1 Corintios 9:3 - Nuevo Testamento Tzeltal de Amatenango

³ Jaꞌ sujtib jkꞌop yuꞌun te machꞌatik ya yalik te ma jichuk te tutik ya jpase.

Bible in Tzeltal Bachajón

³ Hich ya jsutbe sc'op te mach'a ya slehbon jmul:

Bible in Tzeltal de Oxchuc y Tenejapa

³ Ja' in to, ja' sujt'ib cu'un ta stojol te mach'atic ya sbolc'optayone:

1 Corintios 9:3 Referans Kwoze

2 Timoteo 4:16

Te primero a stejkꞌanelon ta sit jꞌuꞌeletike, maꞌyuk machꞌa a skoltayon. Spisilik a sjilesikon. Manchuk jaꞌuk ya xꞌaꞌbot smulinik yuꞌun Dios.

Filipenses 1:17

Pero ay yanetik te ma junuk yoꞌtanike, te ya skꞌan stoyesik skꞌoplalik stukelik. Sok ya skꞌan yoꞌtanik te yauk jta xan ta mas jwokol te ayon ta prexoe.

Filipenses 1:7

Ben lek ya kaꞌiy te jich ayex ta koꞌtan ta apisilik te jaꞌexe, porke ben jkꞌanojex ta koꞌtan. Porke pajal kichꞌojtik mismo bendisionetik, aunke liꞌ ayonix ta prexo to, o manchuk me ya kichꞌ ikꞌel ta stojol te jꞌuꞌeletike yuꞌun jich me ya jkoltay jba y ya kal te skꞌoplal te kolele.

2 Corintios 13:10

La jtsꞌibabeyex te karta to antes te ya xtal kilexe, yuꞌun te kꞌalal ya xtalone ma puersauk te tulan ya jkꞌoponex te tutꞌil ay kaꞌtel te yakꞌojbon te Kajwaltike. Ma yuꞌunuk ya jimex a, jaꞌ ya kaꞌbeyex spuersa awoꞌtanik.

2 Corintios 13:5

Aꞌiya me abaik jaꞌex mismo, yuꞌun jich me ya xchiknaj a teme batsꞌi ay te xchꞌuunel awoꞌtanike. Pasa abaik ta prewa. ¿Me ma anaꞌojikuk te ayix ta awoꞌtanik te Jesucristoe?, teme ma lomuk nax awaloj te achꞌuunejike.

2 Corintios 13:3

Yuꞌun te jaꞌexe yipalex ta skꞌanel seña ya awilik teme jaꞌ Cristo te ya xkꞌopoj ta jkuentae. Y te Cristoe ma yuꞌunuk maꞌyuk spuersa te tut ya xchap ta akuentaike. Ya me yakꞌ awilik te bayal spoder ta atojolike.

1 Corintios 14:37

Teme ay machꞌa skuyoj sbaix ta jꞌalwaneje, o ya skuy te jich albil yuꞌun te Espiritue, a me snaꞌ te tut yipalon ta stsꞌibayele jaꞌ me smantal te Kajwaltike.

Hechos 25:16

Te joꞌone la kaltalanbe te juꞌeletik yuꞌun Romae ma kꞌayemuk te ay machꞌa ya smil teme ma nailuk ya smeltsaa sok te machꞌa ya xlebot smul yuꞌune. Yuꞌun jich me ya skoltay sba ta kꞌop teme ya xlebot smule.

Hechos 22:1

—Kermanotak, aꞌibeyaik awaꞌi sluwar te tut ya kalbeyexe te tutꞌ ayone —xchi te Pabloe.

San Lucas 12:11

“Te kꞌalal ya yikꞌelex bael ta sinagogaetike, o teme ya stejkꞌanelex ta stojol te alkaletike, sok ta stojol te juꞌeletike, ma me xꞌawakꞌ yajtal awoꞌtanik yuꞌun te tut ya skꞌan ya ajakꞌbeyik te skꞌopike sok te tut xkꞌo awalike.

1 Corintios 9:2

Ay ni machꞌa ma snaꞌ te apostolone. Pero te jaꞌexe anaojbeyik sluwar te apostolone, porke jaꞌ señaex te tutꞌil la achꞌuunik te Kajwaltike ta jkuentae.

1 Corintios 9:4

Ya xjuꞌ ya kichꞌ spisil te tut ya jweꞌ-kuchꞌe,