1 Corintios 8:2 - Nuevo Testamento Tzeltal de Amatenango

² Teme ay machꞌa ya skuy te ayix tut ya snaꞌe, pero ma to snaꞌojuk lek, jich tutꞌil ya skꞌan ya snaꞌe.

Bible in Tzeltal Bachajón

² Teme ay mach'a ya scuy te ay bin ya sna', ma to hichuc sna'oj a te bin ut'il ya sc'an ya na'e.

Bible in Tzeltal de Oxchuc y Tenejapa

² Teme ya jcuytic te ay bila jna'ojtic ta leque, yu'un nanix ma jna'tic abi.

1 Corintios 8:2 Referans Kwoze

1 Corintios 13:12

Te ora to jich to nax ya kil tutꞌil ta jun espejo te ma to chikanuk lek ta ilele. Pero ya xtal jun kꞌaal te ya kiltik spisil te tut a te jamale. Te tut jnaꞌoj te ora to, olil to nax. Pero ya xtal jun kꞌaal te ya me kil spisil jich tutꞌil te Dios ya snaꞌbon jbae.

1 Corintios 3:18

Ma me machꞌa ya sloꞌlay sba. Teme ay machꞌaukex a te pꞌij skuyoj sbae, teme ta skuenta nax pꞌijilil ta balmilale, jich me ya skuy sba te tutꞌil maꞌyuk tutꞌ ya snaꞌe, yuꞌun jich me ya xkꞌot te batsꞌi ay spꞌijile.

Gálatas 6:3

Teme ay machꞌa skuyoj sbaix te lek aye kꞌalal maꞌyuk tut ya xjuꞌ yuꞌune, stukel nax mismo sloꞌlayej sba.

Romanos 11:25

Kermanotak, ya jkꞌan te ya anaꞌik te tutꞌil ay te kꞌop to te ma akꞌot ta naꞌel ta nail toe, jaꞌ te tut snopoj ta yoꞌtan te Diose, skuenta yuꞌun makꞌ me ya atoy abaik a te tutꞌil ay apꞌijil ta akꞌopike. Te israeletike ay tulanejem yoꞌtanik olil, jaꞌ to teme tsꞌakay ta spisil te jich yipal ya xchꞌuunik Dios te machꞌatik ma stsꞌumbaluk Israele.