1 Corintios 8:1 - Nuevo Testamento Tzeltal de Amatenango

¹ Te ora to jaꞌ ya kalbeyex te tutꞌil ay skꞌoplal te weꞌeliletik te ya xꞌakꞌot ta skuenta te lotil diosetike. Batsꞌi jich te tut ya xꞌalote te jpisiltik pꞌijubenotik. Pero ay ya jtoy jbajtik yuꞌun te pꞌijiltike. Yan teme ay slekil koꞌtantike jaꞌ ya yakꞌ lekubotik ta skuenta Espíritu.

Bible in Tzeltal Bachajón

¹ Te bin ut'il ay sc'oblal te milbil mahtaniletic ac'bilic ta stojol loc'ombahetic, jna'ojtic te jpisiltic bayel na'bil cu'untic. Te bin na'bil ya yac' toybahil, yan te c'uxul-o'tanil ya xmuc'ubteswan.

Bible in Tzeltal de Oxchuc y Tenejapa

¹ Ta ora to ya calbeyex sc'oplal te milbil majt'anil yu'un te loc'ombaetique. Melel jna'ojtic jpisiltic te bit'il ay te loc'ombaetique. Ja'uc me to, te bila jna'ojtic stojole, ja' ya jtoy jbatic yu'un. Yan te xc'uxul-o'tanile, ya xmuc'ubotic yu'un stuquel.

1 Corintios 8:1 Referans Kwoze

1 Corintios 8:7

Pero ma spisiluk te jich snaꞌojik to. Ay jtul-cheb te jich kꞌayemik ta xchꞌuunel te lotil diosetike. Jaꞌ yuꞌun teme ya sweꞌ te weꞌeliletike, ya to snaꞌ te jaꞌ aꞌbil ta smajtan te lotil diosetike. Skaj te ma to ayuk spuersa yoꞌtanike, jaꞌ ya yalik te teꞌ ya xmulawik a te ya sweꞌelinik te sobrail weꞌelil yuꞌun te lotil diose.

Romanos 14:3

Lek ay. Te machꞌa ya sweꞌ ta spisile ma me wakꞌ spꞌaj te machꞌa ma sweꞌtalan ta spisile. Sok te machꞌa ma sweꞌ ta spisile, ma me wakꞌ yalbe ma tsaꞌamuk skꞌoplal te machꞌa ya sweꞌ spisile, yuꞌun te Diose yikꞌojix.

Apocalipsis 2:14

“Pero ay tut amulinej kuꞌun. Te teꞌey awuꞌun jtul cheb te ma skꞌan sjilesik te tutiꞌ yakꞌ ta nopel te jBalaame, te la yaꞌbe snop te jBalac te tutꞌil a yakꞌ mulawuk te jꞌisraeletike, te la yaꞌbe sweꞌ te weꞌeliletik te milbil smajtanin lotil diosetike y sok te lijkik ta antsiwejele.

1 Corintios 8:4

Te ora to te tutꞌil ay te weꞌelil ya xꞌakꞌot ta smajtan te lotil diosetike, jnaꞌojtikix ta lek ni maꞌyuk tut ya xjuꞌ yuꞌun ta balmilal te jun lotil diose. Sok jnaꞌotik te úniko jtul Dios ay.

1 Corintios 8:2

Teme ay machꞌa ya skuy te ayix tut ya snaꞌe, pero ma to snaꞌojuk lek, jich tutꞌil ya skꞌan ya snaꞌe.

Romanos 15:14

Jaꞌex kermanotak, jnaꞌoj ta lek te jaꞌexe beno slekil awoꞌtanik y spisil anaꞌojikix. Y anaꞌojikix te talel bael ya atsits abaike.

Efesios 4:16

Ta skuenta Cristo spisil te jchꞌuunjeletik ya yichꞌik chapel te jun nax ya xkꞌotik yuꞌun, ta skaj te jun ayik soke. Y kꞌalal lek ya spasik te aꞌtel te ay ta skuenta juju-tul spasele, spisilik ya me xchꞌiik bael sok ya me xmukꞌubik bael ta skuenta te skꞌuxul yoꞌtanike.

1 Corintios 15:34

Ilme abaik, ma me ale amulik. Yuꞌun ay jtul-cheb te jaꞌexe te ma xꞌanaꞌbeyik sba te Diose. Jich ya kalbeyex to yuꞌun ya xkꞌexawex a.

Hechos 15:29

Jaꞌ te makꞌ me ya aweꞌbeyik stiꞌbalul chambalametik te ya xmilbot smajtanin te lotil diosetike, sok ma me aweꞌik chꞌichꞌ, ni te stiꞌbalul chambalametik te tsꞌotbil nax snukꞌe, y sok ma me antsiwejanik. Teme ya akom abaik ta spasel to, jich toj ayex bael abi. Ila me abaik kꞌael”, xchiik ta jun.

1 Corintios 10:28

Yan teme ay machꞌa ya yalbeyex: “Te tiꞌbal to jaꞌ aꞌbil ta smajtan te lotil diosetike”, teme xchie, ma me aweꞌik teme jich aye, ta skaj te machꞌa la yalbeyat sok skuenta maꞌyuk machꞌa ya xjim yoꞌtan yuꞌun.

Hechos 21:25

Yan te machꞌatik ma juriyouk te xchꞌuunejikix te Kajwaltike, la kalbeytikix bael ta jun te tut jnopojtike te ma spas ya sweꞌik tiꞌbal teme ta skuenta ídoloe, sok te chꞌichꞌe, sok stiꞌbalul chambalam te tsꞌotbil nax snukꞌe, sok te makꞌ sꞌantsiwejike —xchiik.

Hechos 15:10

Jaꞌ yuꞌun, ¿tut yes ya awilbeyik yoꞌtan te ora to te Diose, te ya awaꞌbeyik yijkꞌats te hermanoetik te tut maꞌ juꞌ kuꞌuntik xchꞌuunel sok euk te antibo jmeꞌ-jtatike?

Apocalipsis 2:20

Pero ay tutiꞌ amulinej ta jtojol te maꞌyuk tut ya awalbey te ants Jezabele, te ya yal te jꞌalwanej yuꞌun Dios ta skꞌope, pero ya sloꞌlay te jꞌaꞌteletik kuꞌun yuꞌun te tut ya yakꞌ ta nopele. Sok te ya yakꞌtalanbe spas antsiwejel, y ta sweꞌel weꞌeliletik te milbil smajtanin te lotil diosetike.

Colosenses 2:18

Ma me awakꞌik te ay machꞌa ya yaꞌbeyex yajtal awoꞌtanike, te skꞌayinej te chꞌin yakꞌoj sbaik y te ya skejan sbaik ta skuenta te angeletike. Lom nax ya yalik te ay tut yiloje, y jowiyel nax ya stoy sbaik ta skaj nax spensarik ta stiꞌbalulik nax.

1 Corintios 14:20

Kermanotak, ma me jichukex te tutꞌil ay te untike. Jachikukex me te tutꞌil untik te ma to ayuk ya spas te tut ma tsaꞌamuke. Pero jichukex me te tutꞌil mukꞌul gente te ayix srasone.

1 Corintios 5:6

Te jaꞌxe ma me lekuk teme ya atoy abaik yuꞌun te tut ya apasike. Anaꞌojikix te jich ay ta alel: “Te chꞌin nax te levadurae ya spajutes spisil te matsꞌe” —xchi me.

1 Corintios 5:2

Y te jaꞌexe ya atoy abaik te lek ayex ta akꞌopike. Jaꞌ lek te lauk awakꞌ yajtal awoꞌtanike. Te winik to te jich spasoje ya me skꞌan ya atenik lokꞌel ta awolilik.

1 Corintios 4:18

Ay jtul-chebex te jaꞌexe te atoyoj abaike. Yuꞌun akuyojik te makꞌ xtal kilexe.

1 Corintios 4:10

Te joꞌotike jaꞌ ta skaj te Cristo te kuybilotik ta ma pꞌijukotike. Yan te jaꞌexe, ben pꞌijex ta skuenta Cristo ta akꞌopik. Te joꞌotike maꞌyuk jpuersatik. Yan te jaꞌexe bayal apuersaik ta akꞌopik. Te joꞌotike pꞌajbilotikix. Yan te jaꞌexe aꞌbilex ta jkuenta.

1 Corintios 1:5

Yuꞌun ta skuenta te Cristo Jesuse, Dios a yaꞌbeyex bayal slekilal, jich tutꞌil te ya anaꞌik te lek ya xkꞌopojexe, sok spisil te tut ya anaꞌike.

Romanos 14:22

Te tut achꞌuuneje jaꞌ me xꞌapas jaꞌat mismo ta stojol Dios. Ben tsaꞌam slekil te machꞌa jich ya spas te ma muliluk kꞌoem ta yoꞌtane.

Romanos 14:14

Te joꞌone jnaꞌojbe sluwar te maꞌyuk tut ya xjuꞌ te ya xꞌixtaꞌ a jkꞌoplaltik ta skuenta Dios. Te tutꞌil jchꞌuunej te Kajwaltik Jesuse, seguro ayon te jich aye. Yan teme ay machꞌa ya snop te ay tut te ma tsaꞌamuk ta pasele, yuꞌun nanix ma tsaꞌamuk teme jich ya spase.

Romanos 14:10

Pero te jaꞌate, ¿Tuꞌun te ya awichꞌ jkuenta te awermanoe? ¿Tuꞌun te ya apꞌaje? Porke jpisiltik ya xkꞌootik ta sit Dios yuꞌun jaꞌ ya yichꞌotik jkuenta.

Romanos 12:16

Junuk awoꞌtan abaik ta juju-tul. Ma me toybaukex. Jaꞌ me pajal ya skꞌan xꞌanex sok te machꞌatik lom chꞌunulike. Ma me xꞌakuy te lom pꞌijexe.

Romanos 11:25

Kermanotak, ya jkꞌan te ya anaꞌik te tutꞌil ay te kꞌop to te ma akꞌot ta naꞌel ta nail toe, jaꞌ te tut snopoj ta yoꞌtan te Diose, skuenta yuꞌun makꞌ me ya atoy abaik a te tutꞌil ay apꞌijil ta akꞌopike. Te israeletike ay tulanejem yoꞌtanik olil, jaꞌ to teme tsꞌakay ta spisil te jich yipal ya xchꞌuunik Dios te machꞌatik ma stsꞌumbaluk Israele.

Romanos 14:19

Jich yuꞌun, a me jlejtik spisil te tut bujtsꞌan ya kaꞌitik yuꞌune, jich talel bael ya jkoltay bajtik ta xchꞌuunel xan te Diose.

1 Corintios 4:6

Kermanotak, la kalbeyex awaꞌiyik te tutꞌil ayone y sok te Apolose, skuenta jich ya anaꞌik te tutik lek ya xkꞌoex yuꞌune. La kalbeyex yuꞌun jich ya anopik a te makꞌ xkꞌaxex ta mas a te tutik tsꞌibabil jilele, y yuꞌun jich ma ba ya mukꞌutesbeyik skꞌoplal a te jtule y sok te ya apꞌajik te yane.

1 Corintios 10:15

Jich ya jkꞌoponlanex te tutꞌil mukꞌul gente te ya snaꞌikix kꞌinale. Y jaꞌex mismo ya xjuꞌ ya awichꞌik jkuenta te tutiꞌ kaltalanbeyexe.