1 Corintios 4:8 - Nuevo Testamento Tzeltal de Amatenango

⁸ Jich akuyoj abaik te maꞌyukix falta ya awaꞌiyike y ayix awuꞌunik spisil te tut ya akꞌanike. Akuyoj abaikix ta reyetik, y ma xꞌakꞌanikix te ay tut ya kaltik ta atojolik. Te batsꞌi jichukexix tutꞌil te reyetike, yuꞌun jich me ya xjuꞌ ya joyintikex ta ajwalil euk te jichuke.

Bible in Tzeltal Bachajón

⁸ Ayix awu'unic spisil, jc'uhlejexix, ochemex ta ajwalil, pero ma ha'uc ta jcuentacotic. ¡Co'tanuc te yacuc x'ochex ta ajwalil, scuenta yu'un pajal ya x'ochotic ta ajwalil a!

Bible in Tzeltal de Oxchuc y Tenejapa

⁸ Ma'yuquix falta ya awaiyic, jc'ulejexix. Acuyoj abaic ta muc' ajwalil. Ju'ix awu'unic te ja'exe; in te jo'otique, la awijq'uitayotiquix jilel. Co'tanuc te ochemuquex ta ajwalil ta melel, swenta yu'un jich me ya xju' ya joinex ta ajwalil uuc.

1 Corintios 4:8 Referans Kwoze

Apocalipsis 5:10

Y la awaꞌbeyik yaꞌtelik ta ajwalil sok ta saserdoteil yuꞌun te Dios kuꞌuntike. Y ya me xmantalajik ta balmilal”, xchiik ta kꞌayoj.

Gálatas 6:3

Teme ay machꞌa skuyoj sbaix te lek aye kꞌalal maꞌyuk tut ya xjuꞌ yuꞌune, stukel nax mismo sloꞌlayej sba.

2 Corintios 13:9

Jaꞌ yuꞌun ben jun koꞌtantik te kꞌalal maꞌyuk jpuersatike, teme tulanex te jaꞌexe. Y sigue ya jkꞌopontik Dios yuꞌun te yauk xtojobex ta leke.

1 Corintios 5:6

Te jaꞌxe ma me lekuk teme ya atoy abaik yuꞌun te tut ya apasike. Anaꞌojikix te jich ay ta alel: “Te chꞌin nax te levadurae ya spajutes spisil te matsꞌe” —xchi me.

1 Corintios 1:5

Yuꞌun ta skuenta te Cristo Jesuse, Dios a yaꞌbeyex bayal slekilal, jich tutꞌil te ya anaꞌik te lek ya xkꞌopojexe, sok spisil te tut ya anaꞌike.

Romanos 12:3

Jich tutꞌil yakꞌojbon kichꞌ kaꞌtel ta skuenta slekil yoꞌtan te Diose, ya kalbeyex ta apisilik te maꞌyuk machꞌa ya snop ta spensar te mukꞌ ya yakꞌ sbae. Jaꞌ lek nail ta juju-tul aꞌ snop te tut yaꞌiyel ya yaꞌi sbae, chikan te jayeb te xchꞌuunel-oꞌtanil aꞌbot yuꞌun te Diose.

San Lucas 6:25

Oꞌol me abaik jaꞌex te nojel achꞌujtꞌik te ora to yuꞌun ya me awilik wiꞌnal. Oꞌol me abaik jaꞌex te ya stseꞌnex te ora to, yuꞌun ya me xba okꞌanik yuꞌun te ajtal-oꞌtane.

Apocalipsis 3:17

Yuꞌun te jaꞌate jich ya awal te jkꞌulejate, sok te lek ayat bael, sok te ni maꞌyuk tut palta ya awaꞌiye. Y ni makꞌ ya awaꞌiy aba tutꞌ ayat te toj oꞌol abae, sok te maꞌyuk tut ay awuꞌune, sok te ma xꞌawil kꞌinale, sok te tꞌaxalate.

Filipenses 2:12

Jaꞌ yuꞌun, kermanotak te ben kꞌuxex ta koꞌtane, jich tutꞌil la achꞌuunbikon jmantal sil tiempo te kꞌalal joyinejex to aye, te ora to, aunke lom jakal ayon, jich me mas ya skꞌan ya achꞌuunbikon te jmantale. Oꞌtaninaik me te akolelike, xiꞌaik me, nijkꞌuk me te awoꞌtanike.

Filipenses 1:27

Jaꞌ nax tulan skꞌoplal te ya xkuxuyinex jich tutꞌil ya yal te lek achꞌ kꞌop yuꞌun te Cristoe. Jich mismo teme tal kilex o teme maꞌ talone ya jkꞌan ya kaꞌiy te jaꞌex te sigue jun awoꞌtanik y te jun nax ayexe. Ya me apasik puersa ta apisilik te ya awakꞌik ta chꞌuunel te skꞌoplal kolele.

2 Corintios 11:1

Ayuk me tutꞌil ya xkujch awuꞌunik te ay jowil nax ya xkꞌopojone. Te tutꞌiluk ya awaꞌiyike, tsꞌikbikon me.

1 Corintios 4:18

Ay jtul-chebex te jaꞌexe te atoyoj abaike. Yuꞌun akuyojik te makꞌ xtal kilexe.

Hechos 26:29

Te jPabloe la yal: —Me ta ora nax o ma orauk, teme jich ya skꞌan te Diose, ma jaꞌukat nax, koꞌtanuk jich spisil te machꞌatik ya yaꞌibon te jkꞌop te ora to, jichuk ya xkꞌot tutꞌil te joꞌone. Pero ma jaꞌuk ya kal te ya awichꞌik chukel ta kadenae —xchi te jPabloe.

San Mateo 5:1

Te Jesuse la yil te bayal te genteetike. Mo bael ta wits, teꞌ kꞌo snajkan sba a. Jich te jnopojeletik yuꞌune tijilajik tal ta stojol.