1 Corintios 4:21 - Nuevo Testamento Tzeltal de Amatenango

²¹ ¿Tut ya akꞌanik te jaꞌexe: Me jaꞌ ya akꞌanik te tulan ya xtal jkꞌoponexe, o jaꞌ te ben jun koꞌtan sok te bayal slekil koꞌtan te ya xtalone?

Bible in Tzeltal Bachajón

²¹ ¿Bin yac ac'anic? ¿Ha bal yac ac'anic te ya xtal quilex soc xul, o te ya xtal quilex soc sc'uxul co'tan soc yutsil co'tan?

Bible in Tzeltal de Oxchuc y Tenejapa

²¹ ¿Bila ya ac'anic? ¿Ja' bal ya ac'anic te ya xtalon soc jwajch'e, o ja' te ya xtalon soc xc'uxul co'tan soc te yutsil co'tane?

1 Corintios 4:21 Referans Kwoze

2 Corintios 13:2

Te ora to te jakal ayone, ya me kalbeyex xan te tsitsel ta apisilik sok te machꞌatik nail to mulawenike, jich tutꞌil la kalbeyex te kꞌalal a kaꞌ kilex te xchaꞌmelal ae. Teme ba jchaꞌkilexix xan tale, ma me ayukix perdon a.

1 Tesalonicenses 2:7

Te nail toe, jich a kꞌootik tutꞌil untiketik ta awolilik. Sok jich tutꞌil meꞌil te ya stsꞌijtes y ya skꞌanantay te batsꞌi yuntikile.

2 Corintios 13:10

La jtsꞌibabeyex te karta to antes te ya xtal kilexe, yuꞌun te kꞌalal ya xtalone ma puersauk te tulan ya jkꞌoponex te tutꞌil ay kaꞌtel te yakꞌojbon te Kajwaltike. Ma yuꞌunuk ya jimex a, jaꞌ ya kaꞌbeyex spuersa awoꞌtanik.

2 Corintios 2:3

Jaꞌ yuꞌun te la jtsꞌibabeyex te kartae, porke ma jkꞌan te ya xtalon yuꞌun te ya awaꞌbikon yajtal koꞌtan te jaꞌexe. Yuꞌun jaꞌ mas lek te ya ajunutesbikon koꞌtane. Yuꞌun seguro ayon te ya xjunub awoꞌtanik ta apisilik te jaꞌexe teme jun koꞌtan ekꞌae.

2 Corintios 1:23

Pero ma to kꞌaxemukon ta Corinto, jich tutꞌil jnopoje. Ya kalbe ta skuenta Dios te jaꞌ yuꞌun te ma la skꞌan koꞌtan te ya kaꞌbeyex awokolike.

Santiago 3:17

Pero te machꞌatik ay yuꞌun te pꞌijilil te ya xtal ta stojol te Diose, jaꞌ batsꞌi lek ay stukel. Jun yoꞌtanik y ay slekil yoꞌtanik, sok ay srason xlaj kꞌopojik. Sok ya xkꞌuxutaywanik, ma tsabiluk nax te machꞌa ya skoltay, sok ma xyanej yoꞌtanik, y jaꞌ ya spasik te tut leke.

2 Corintios 10:6

Y jich ayix ta koꞌtantik te ya xtal kaꞌbeytik kastigo spisil te machꞌa ma xchꞌuunik mantale yuꞌun jich me jmel nax ya xtojobex ta xchꞌuunel a.

2 Corintios 2:1

Jaꞌ yuꞌun to jich a jnop te makꞌ ya xtal kilex xane, yuꞌun jaꞌ ma jkꞌan te ya kaꞌbeyex yajtal awoꞌtanike.

2 Corintios 10:8

Y aunke ya jtoy jba ta kꞌop chꞌinuk yuꞌun te tutꞌil ay kꞌatele, maꞌyuk tut ya xkꞌexawon yuꞌun. Yuꞌun jaꞌ a yaꞌbotik kaꞌteltik te Kajwaltike yuꞌun jich ya jpastik te ya xmukꞌubex ta stojol Dios y ma yuꞌunuk ya jimtikex.

2 Corintios 3:10

Porke te tutꞌ ay stsaꞌamul te nail toe, ma pajalukix sok to. Jaꞌ mas lom bayal stsaꞌamul stukel.

1 Corintios 5:5

Jich te winik me to ya me awakꞌik entregal ta skꞌab pukuj, yuꞌun te stiꞌbalule ya me xlaj y te xchꞌulele ya me xkol te kꞌalal ya xtal te Kajwaltik Jesuse.

1 Corintios 4:18

Ay jtul-chebex te jaꞌexe te atoyoj abaike. Yuꞌun akuyojik te makꞌ xtal kilexe.

2 Corintios 12:18

Jaꞌ la jkꞌanbe te jTito te ya xba yuluꞌtayex tale sok jtul hermanoe. ¿Me yuꞌun la sloꞌlayex te jTitoe? ¿Me ma jichuk ta jchebaltik te jun nax tut ya jpastike y sok te jun nax te koꞌtantik ta akuentaike?

Gálatas 6:1

Kermanotak, teme ya awilik te ay machꞌa yalem ta mulile, te jaꞌex te ayex ta skuenta Espiritue, ya skꞌan ya akoltayik ta sujtesel xan yoꞌtan a. Pero pasaik ta slekil awoꞌtanik. Sok naꞌa me tutꞌil ayex euk, ila me abaik, ma me jichuk ya xkꞌoex te ya ataik sujel ta mulil ekꞌae.