1 Corintios 4:2 - Nuevo Testamento Tzeltal de Amatenango

² Te machꞌa ya yichꞌ yaꞌtele, ya me skꞌan ya yakꞌ ta ilel te jun yoꞌtan ta spasele.

Bible in Tzeltal Bachajón

² Ya sc'an ya xchicnaj te jun yo'tanic jujutuhl te jcuentahinwanejetique.

Bible in Tzeltal de Oxchuc y Tenejapa

² Ta ora to, te mach'a ay ta swenta spuquel te sc'op Diose, ya sc'an te jun nax yo'tan ya yat'elin spuquele.

1 Corintios 4:2 Referans Kwoze

San Mateo 25:21

“Te yajwale la yal: “Lek ay. Te jaꞌate lekil jꞌaꞌtelat sok ben jun awoꞌtan ta jtojol. Te tutꞌil ben jun awoꞌtan la akanantaybon te tuti kaꞌbeyat chꞌinuke, ya me kaꞌbeyat xan akanantaybon mas bayal. Laꞌ me, ochan, joyinaon ta lekilal”, xchi.

San Lucas 12:42

La yal te Kajwaltike: —Te lekil jkanan te ay spꞌijil yoꞌtane, ya xꞌaꞌbot ta skuenta te tutik ay yuꞌun ta sna te yajwale, yuꞌun ya spukbey te tutik ya sweꞌik te juju-chꞌoj te ya yichꞌike.

San Mateo 25:23

“Te yajwale la yal: “Lek ay. Jaꞌat lekil jꞌatelat, sok ben jun awoꞌtan ta jtojol. Te tutꞌil ben jun awoꞌtan la akanantaybon te tuti kaꞌbeyat chꞌinuke ya me kaꞌbeyat akanantaybon mas bayal. Laꞌ me, ochan joyinaon ta lekilal”, xchi.

Colosenses 4:17

Albeyaik te Arquipoe te a me sjuꞌutes ta lek te yaꞌtel te jich aꞌbil yuꞌun te Kajwaltike.

2 Corintios 2:17

Te joꞌotike ma jachikukotik tutꞌil yanetik te jaꞌ xchonbajelik te skꞌop Diose. Ma jichuk. Te joꞌotik tikonbilotik yuꞌun te Diose, jaꞌ yuꞌun jamal koꞌtantik ya xkꞌopojotik ta skuenta Dios, yuꞌun jun nax ayotik sok te Cristoe.

Colosenses 1:7

Jaꞌ to jaꞌ la yaꞌbeyex anopik te kermanotik Epafras, jaꞌ te machꞌa aꞌtejemon soke, te jun yoꞌtan yakꞌoj sba ta abatinel ta skuenta Cristo ta akuentaike.

1 Corintios 7:25

Te ora to ya kalbeyex te tutꞌil ayik te machꞌatik ma to nujpunemuke. Maꞌyuk ba kaꞌiyojbe smantal ya yal te Kajwaltike, pero ya kal te tut jnopoje, sok ya xjuꞌ ya achꞌuunik te tutꞌil kichꞌoj kꞌuxutayel yuꞌun te Kajwaltike.

2 Corintios 4:2

La jpꞌatikix jilel te tutik kꞌexlaltik sba ay ta pasel ta mukule. Ma jloꞌlawanejukotik ni makꞌ jyanutestik te skꞌop Diose. Jaꞌ nax ya kaltik te tut batsꞌi jiche. Y te jich aye, jich ya kaꞌbetik yilik te yanetik te jun koꞌtantik ta sit te Diose.

Colosenses 4:7

Te kermanotik jTiquico te ben kuꞌx ta koꞌtantike, sok te ben jun yoꞌtan ya xkoltawane, y te la sjoyinon ta abatinel yuꞌun te Kajwaltike, jaꞌ ya yalbeyex tutꞌil ayon.

1 Corintios 4:17

Jaꞌ sluwaril te la jtikonbeyex tal te jTimoteoe. Jich kꞌoem ta koꞌtan tutꞌi jnichꞌan te jun yoꞌtan ta skuenta te Kajwaltike. Jaꞌ me ya yaꞌbeyex xan anaꞌik te tutꞌil ya xꞌaꞌtejon sok te tutꞌ jchꞌuunej te Cristoe Jesuse. Yuꞌun yiloj spisil te tutꞌil la jnojpeslan te juju-tijkꞌ hermanotetik te ba kꞌaxone.

1 Corintios 4:1

Te jaꞌexe ma me kuyotik ta mukꞌ yuꞌun jaꞌ ayotik ta tuuntesel yuꞌun te Cristoe. Jaꞌ ay ta jkuentatik yakꞌel ta naꞌel te tut mukul snopoj te Diose.

1 Corintios 4:3

Te joꞌone ma jaꞌuk ay skꞌoplal ta koꞌtan te tut yilel ya awilikone, sok te tut kilel ya yilikon euk te jmeltsaanwanejetik ta balmilale. i ma xjuꞌ joꞌon ya kichꞌbey jba jkuenta jtukel.