1 Corintios 4:1 - Nuevo Testamento Tzeltal de Amatenango

¹ Te jaꞌexe ma me kuyotik ta mukꞌ yuꞌun jaꞌ ayotik ta tuuntesel yuꞌun te Cristoe. Jaꞌ ay ta jkuentatik yakꞌel ta naꞌel te tut mukul snopoj te Diose.

Bible in Tzeltal Bachajón

¹ Ha yu'un ya sc'an ya sna'ic te ants-winiquetic te ha ya'batotcotic Cristo te ho'otcotic soc jcuentahinejcotic te bin muquen ay yu'un Dios.

Bible in Tzeltal de Oxchuc y Tenejapa

¹ Te ja'exe, jichuc me c'oemotic ta awo'tanic te bit'il yaj-at'elotic nax te Cristoe, te ay ta jwentatic yaq'uel ta nopel te muquen c'op chapal yu'un te Diose.

1 Corintios 4:1 Referans Kwoze

1 Pedro 4:10

Talel baeluk me xꞌamantaltes abaik chikan te amajtanik aꞌbilex yuꞌun te Diose. Lekil jꞌaꞌtelukex me te tutꞌil bayal aꞌbilex te bendisionetik yuꞌun te Diose.

Tito 1:7

Yuꞌun te machꞌa yichꞌoj yaꞌtel ta statalil yuꞌun te hermanoetike, jaꞌ ay yaꞌtel yuꞌun ta skanantayel te tutik yuꞌun te Diose. Jaꞌ yuꞌun ya skꞌan te tojuk ay bael te xkuxlejale. Ma me toybauk, ma me orauk ya xꞌilin, sok ma me wakꞌ yakubuk, ni ma me tojoluk pleto, sok ma me xbikꞌtaj yoꞌtan yuꞌun sloꞌlayel takꞌin.

1 Timoteo 3:9

Ya skꞌan te jun yoꞌtan xchꞌuunej te batsꞌi jich te tut jchꞌuunejtikixe, sok te ben lek te yoꞌtane.

2 Corintios 4:5

Ma joꞌukotik mismo ya kaltik jkꞌoplaltik. Jaꞌ ya kaltik skꞌoplal te Jesucristo, te jaꞌ Kajwaltik stukele. Te joꞌotike jaꞌ nax jꞌaꞌtelotik awuꞌunik ta slekil nax yoꞌtan te Jesuse.

Efesios 6:19

Y kꞌoponbonik me Diose euk, yuꞌun Dios me ya yaꞌbon te kꞌopetik ya skꞌan ya kale. Yuꞌun jich me ya xjuꞌ yuꞌun yalel sok yip koꞌtan te skꞌoplal kolel, y jich ya kakꞌ ta naꞌel te tut mukul ay ta nail toe.

Colosenses 2:2

Yuꞌun ya jkꞌan te ya yichꞌ spuersa te awoꞌtanike, yuꞌun ya me xchiknaj te jun nax ayex ta skuenta te skꞌuxul awoꞌtanike, sok yuꞌun te ben tsꞌakal ya anaꞌik te tut mukul ay yuꞌun Dios, te jaꞌ te skꞌoplal te Cristoe.

Romanos 16:25

Aꞌ kaltik yutsilal te Diose te ya xjuꞌ yuꞌun te ya yaꞌbeyex yip awoꞌtanike, jich tutꞌil te ya yal te skꞌoplal kolel te yipalon ta yalele, jaꞌ bi, jaꞌ te tutꞌil ay skꞌoplal te Jesucristoe. Jaꞌ to jaꞌ te tut la yakꞌix ta naꞌel ta ora to te tut xchapoj ta yoꞌtan te Diose. Jaꞌ te tut mukul ay ta nail to te kꞌalal ma to ayuk a te balmilale.

Colosenses 4:3

Kꞌoponbotik Dios euk te joꞌotike te yakuk sjambotik puerta te Kajwaltike ta yalel te skꞌope, sok ta yalel te tut mukul ay yuꞌun te Cristoe, te jaꞌ ayon ta prexo yuꞌun.

Efesios 1:9

Y la yaꞌbotikix jnaꞌtik te tut ya skꞌan yoꞌtan te ma chikanuke, jaꞌ te tut xchapoj stukel mismo te yaloj te jich ya xkꞌot ta pasel yuꞌune.

2 Corintios 12:6

Pero yauk jkꞌan ya jtoy jbae, ma jowiluk nax, porke jaꞌ yipalon ta yalel te tut batsꞌi jiche. Pero ma jichuk ya jpas, skuenta yuꞌun maꞌyuk machꞌa kꞌax jich ya stoybon jkꞌoplal te tut yilel te kaꞌtele sok te tut yaꞌiyel te jkꞌope.

2 Corintios 11:23

Teme jaꞌ jꞌaꞌteletik yuꞌun te Cristoe, joꞌon kꞌaxemon xan a ke te yanetike, aunke jich ya xkꞌopojon tutꞌil jtul jowiyel. Joꞌon mas aꞌtejemon ke te yanetike. Bayal buelta ochemon ta prexo, mas ke te yanetike, y ma ajtabiluk kichꞌoj majel, mas ke te yanetike. Bayal buelta ayon ta peligro yuꞌun lajel.

San Lucas 12:42

La yal te Kajwaltike: —Te lekil jkanan te ay spꞌijil yoꞌtane, ya xꞌaꞌbot ta skuenta te tutik ay yuꞌun ta sna te yajwale, yuꞌun ya spukbey te tutik ya sweꞌik te juju-chꞌoj te ya yichꞌike.

San Mateo 24:45

“Jich tutꞌil to te aj-aꞌtelil te jun yoꞌtan sok ay spꞌijil yoꞌtan, aꞌbot skanantay te yanetik jꞌaꞌteliletik ta sna te yajwale. Ya yaꞌbe sweꞌelik ta juju-chꞌoj te ya xweꞌike.

1 Timoteo 3:16

Jamal chikan te lom mukꞌ te tut jchꞌuunejtik te mukul aye: Dios la yichꞌ stiꞌbalul, chiknaj ta ilel. Akꞌot ta naꞌel te toj yoꞌtan yuꞌun te Espiritue. Ilot yuꞌun te chꞌul angeletike. La yichꞌ alel ta stojol te nasionetike. La yichꞌ chꞌuunel ta balmilal. Sok ikꞌot bael ta lekilal.

1 Timoteo 3:6

Jaꞌ yuꞌun, te machꞌa ya yichꞌ yaꞌtel ta ansianoile, ma me jaꞌuk te laj to nax xchꞌuun te Diose. Ma me teyuk ya xlijk stoy sba a, y jich ya sta kastigo jich tutꞌil la sta te pukuje.

2 Corintios 6:4

Yuꞌun ta skuenta spisil ya jpastike, ya kaꞌbetik yilik te joꞌotik yaj-aꞌtelotik te Diose. Jich jun koꞌtantik ya me xkujch kuꞌuntik te ilbajinele, sok te tutik ay maꞌyuk kuꞌuntike, sok spisil te jwokoltike,

1 Corintios 4:13

Ya yixta-kꞌoptayelotik, pero sok slekil koꞌtantik ya jakꞌbetik. Asta te ora to jich ya skuyelotik tutꞌ skꞌaꞌpalel balmilal te ya yichꞌ chꞌayel baele.

1 Corintios 3:5

Ya skꞌan ya anaꞌik: ¿Machꞌa a te jPabloe? ¿Y machꞌa a te Apolose? Kꞌouk ta awoꞌtanik te abat nax ayotik yuꞌun Dios te la kaꞌbeyex achꞌuunikix te Kajwaltike. Yuꞌun ta juju-tul te joꞌotike jaꞌ la jpastik te aꞌtel a yaꞌbotik te Kajwaltike.

1 Corintios 2:7

Jaꞌ ya kaltik te spꞌijil skꞌop Dios te mukꞌul aye. Jaꞌ bi, jaꞌ te la snop ta yoꞌtan te kꞌalal ma to spas a te balmilale te ya slebotik jlekilaltik sbajtel kꞌinale.

San Marcos 4:11

Te Jesuse la yalbe: —Te jaꞌexe, Dios ya yaꞌbeyex anaꞌik te tutꞌil ay ta ajwalinel te maꞌyuk ta naꞌel skꞌoplal ta nail toe. Jaꞌ tsꞌiin te machꞌatik ayik ta afuera ya xꞌaltalanbot puru ta seña-kꞌop,

San Mateo 13:11

Te Jesuse la yaltalanbe: —Te jaꞌexe Dios me ya yaꞌbeyex anaꞌik sluwar te tutꞌil ay ta ajwalinel te Diose, te maꞌyuk ta naꞌel ta nail toe. Yan te yanetike ma xꞌaꞌbot snaꞌbeyik sluwaril stukel.

San Lucas 8:10

Altalanbot yuꞌun te Jesuse: —Te jaꞌexe Dios ya yaꞌbeyex anaꞌbeyik sluwaril te tutꞌil ay ta ajwalinel te ma xnaꞌbot sluwaril ta primeroe. Yan te yanetike, ya jkꞌopon ta seña-kꞌop, yuꞌun jayebuk ya yilik ta sitik ma snaꞌbeyik sluwaril, sok jayebuk buelta te ya xꞌaltalanbote, ma xkꞌot ta yoꞌtanik.

San Lucas 1:2

La stsꞌibayikix jilel te tuti yalbelotik kaꞌitik ta jpisiltik yuꞌun te machꞌatik la yilik ta sitik ta slijkibale te la yichꞌik yaꞌtelik ta yalel ta bayuk te tuti kꞌot ta pasel ta slijkibal tale.

Romanos 11:25

Kermanotak, ya jkꞌan te ya anaꞌik te tutꞌil ay te kꞌop to te ma akꞌot ta naꞌel ta nail toe, jaꞌ te tut snopoj ta yoꞌtan te Diose, skuenta yuꞌun makꞌ me ya atoy abaik a te tutꞌil ay apꞌijil ta akꞌopike. Te israeletike ay tulanejem yoꞌtanik olil, jaꞌ to teme tsꞌakay ta spisil te jich yipal ya xchꞌuunik Dios te machꞌatik ma stsꞌumbaluk Israele.

1 Corintios 4:2

Te machꞌa ya yichꞌ yaꞌtele, ya me skꞌan ya yakꞌ ta ilel te jun yoꞌtan ta spasele.