1 Corintios 3:21 - Nuevo Testamento Tzeltal de Amatenango

²¹ Jaꞌ yuꞌun ma me ayuk machꞌa lom bujtsꞌan kꞌinal ya yaꞌiy yuꞌun ta skuenta jtul winik te jaꞌ ya stsꞌakliye. Yuꞌun spisil te tutik aye, jaꞌex awuꞌunik.

Bible in Tzeltal Bachajón

²¹ Ha yu'un ma me ayuc mach'a ya stoy sba yu'un te ay bin ya xhu' yu'un te ants-winiquetic, como ha awu'unic spisil:

Bible in Tzeltal de Oxchuc y Tenejapa

²¹ Jich yu'un, ma me toyoluc nax q'uinal ya awaiy yu'un te jtul winique, melel ya xtuun awu'unic ta spisil:

1 Corintios 3:21 Referans Kwoze

Romanos 8:32

Te Diose maꞌ spꞌajotik ni te batsꞌi Xnichꞌane, asta la yakꞌ entregal ta lajel ta joꞌotik ta jkajtik. Teme jich a yaꞌbotik ta majtanil te Xnichꞌane, ¿me makꞌ ya yaꞌbotik spisil te tut ya jkꞌantike?

1 Corintios 4:6

Kermanotak, la kalbeyex awaꞌiyik te tutꞌil ayone y sok te Apolose, skuenta jich ya anaꞌik te tutik lek ya xkꞌoex yuꞌune. La kalbeyex yuꞌun jich ya anopik a te makꞌ xkꞌaxex ta mas a te tutik tsꞌibabil jilele, y yuꞌun jich ma ba ya mukꞌutesbeyik skꞌoplal a te jtule y sok te ya apꞌajik te yane.

Romanos 8:28

Jnaꞌojtik te Diose ya yaꞌbe spisil te tutik lek te machꞌatik lek skꞌanoje, y sok te ikꞌbilik yuꞌune, jich tutꞌil te ya skꞌan yoꞌtan stukele.

Apocalipsis 21:7

Te machꞌa ya xjuꞌ yuꞌun tsalawe ya me xꞌaꞌbot yuꞌunin spisil te tutik ay. Y joꞌon me Dioson ya xkꞌoon yuꞌunik y te stukelik kal-jnichꞌan ya xkotik.

Romanos 4:13

Yuꞌun te Diose yalojix ta stojol jꞌAbraham te ya xꞌakꞌbot yuꞌunin sok ta stsꞌumbal te balmilale. Pero te jich albile, ma jaꞌuk ya xꞌakꞌtalanbot yuꞌun te juꞌem yuꞌun xchꞌuunel te mantaliletik te jꞌAbrahame. Jaꞌ nax yuꞌun te la yakꞌ xchꞌuunel yoꞌtan ta stojol Diose y jaꞌ yuꞌun ilot yuꞌun Dios jich tutꞌil te toj aye.

2 Corintios 4:5

Ma joꞌukotik mismo ya kaltik jkꞌoplaltik. Jaꞌ ya kaltik skꞌoplal te Jesucristo, te jaꞌ Kajwaltik stukele. Te joꞌotike jaꞌ nax jꞌaꞌtelotik awuꞌunik ta slekil nax yoꞌtan te Jesuse.

2 Corintios 4:15

Spisil to jicha kꞌotix ta jkuentatik yuꞌun alekilik a te jaꞌexe, yuꞌun jich me ay bayal te ya xꞌaꞌbot bendision yuꞌun te Diose. Sok ay me bayal te jich ya yalbeyik kola yal Dios. Jich me ya xchiknaj te slekilal Diose.

2 Corintios 6:10

Ay lom tristeotik, pero sil tiempo kontento ayotik. Ay lom meꞌbaotik, pero ay bayal kꞌulejiben kuꞌuntik. Jich yilel te maꞌyuk tut ay kuꞌuntike, pero ay kuꞌuntik spisil.