1 Corintios 2:1 - Nuevo Testamento Tzeltal de Amatenango

¹ Pero kermanotak, te kꞌalal tal kalbeyex awaꞌiyik te tutꞌ batsꞌi jich snopoj te Diose, ma jaꞌuk a kal te spꞌijil jkꞌop naxe sok ma yuꞌunuk mukꞌ a kakꞌ jba.

Bible in Tzeltal Bachajón

¹ Ha yu'un, quermanotac, te c'alal c'oht calbeyex awa'iyic te bin halbil yu'un Dios, ma ba c'oht cal t'ujbil c'opetic o p'ijil c'opetic,

Bible in Tzeltal de Oxchuc y Tenejapa

¹ Jich yu'un, quermanotac, te c'alal tal calbeyex awaiyic te sc'op Diose, ma ja'uc la cal te bila swenta p'ijil c'op soc t'ujbil c'op.

1 Corintios 2:1 Referans Kwoze

1 Corintios 1:17

Yuꞌun te Cristoe ma jaꞌuk a stikonon ta yakꞌel ichꞌ jaꞌ. Jaꞌ nax a stikonon ta yalel skꞌoplal te kolele. Y ma jaꞌuk ta spꞌijil genteetik te la kal lokꞌel ta jtiꞌe, yuꞌun ma lomuk nax ya xkꞌot a te cham ta krus te Cristoe.

1 Corintios 2:13

Jich te kꞌalal ya kalbeytik skꞌoplal te tutik to, jaꞌ ya kaltik te tut yakꞌojbotik jnoptik te Espiritue, y ma jaꞌuk te kꞌopetik te jnopojtik nax ta jpꞌijiltike. Jich ya kalbetik te tutik skuenta Espíritu te machꞌatik yikꞌojikix te Espiritue.

1 Corintios 2:4

Y te kꞌalal la jkꞌoponex y sok te la kalbeyex te skꞌop Diose, ma jaꞌuk a tuun kuꞌun te spꞌijil jkꞌop yuꞌun te ya jtsalex aye. Ma jichuk. Jaꞌ a kaꞌbeyex achꞌuunik ta skuenta te Espíritu y sok ta spoder te Diose.

2 Timoteo 1:8

Ma me kꞌexawan yuꞌun ta yalel te skꞌoplal te Kajwaltike, ni ma me kꞌexawan kuꞌun te ayon ta prexo ta skaje. Tsꞌijkuk me awuꞌun te wokoletik te ya ata ta skuenta te lek achꞌ kꞌop yuꞌun kolele. Ya me skoltayat ta spoder te Diose.

Romanos 16:18

Porke ma xtuunik yuꞌun te Kajwaltik Jesucristoe, yuꞌun jaꞌ nax baem ta yoꞌtanik te tut ya skꞌupin te stiꞌbalule. Te skꞌopike ben tsaꞌam ta aꞌiyel y lek yaꞌiyel, pero jaꞌ ya yixlanbe yoꞌtanik te gente te maꞌyuk spꞌijilike.

2 Corintios 11:6

Aunke me ma jnaꞌ lek xkꞌopojon, pero bayal te tut jnaꞌojbey sluwarile. Y jaꞌ to jaꞌ kakꞌojtikix awilik sil tiempo te jaꞌexe, y sok spisil te tut juꞌemix kuꞌuntike.

Apocalipsis 1:2

Te Juane la yalix ta jamal ta spisil te tut la yile. Jaꞌ stukel testigo yuꞌun te skꞌop Dios y sok te tut ya yal te Jesucristoe.

1 Juan 4:14

Te joꞌotike kilojtik te Jesucristoe, y ya kaltik ta jamal te Tatile la stikon tal te Xnichꞌan yuꞌun tal skoltay te machꞌatik ayik ta balmilale.

2 Tesalonicenses 1:10

Kꞌalal ya xtal te Kajwaltike, ya me xꞌakꞌot ta jkuenta yuꞌun spisil te machꞌatik yuꞌune, y toj jcham ya yaꞌiyik ta spisil te machꞌatik xchꞌuunejike. Jich tutꞌil te jaꞌex te la achꞌuunik te skꞌoplal la kalbeyexe.

1 Corintios 1:6

Komo kꞌoemix ta awoꞌtanik te tutꞌ la awaꞌibeyik skꞌoplal te Cristoe.

Hechos 22:18

Jaꞌ a kil te Kajwaltike, y la yalbon: “Sabajan lokꞌan bael ta ora liꞌ ba Jerusalene, porke ma xyaꞌbelat ta jkuenta te jkꞌoplal te yipalat ta yalele”, xyuton.

Hechos 20:21

Jamal a kalbe te juriyoetike sok te machꞌatik maꞌ juriyouke te ya skꞌan ya sujtes yoꞌtanik yuꞌun smulik ta stojol Dios, sok te ya xchꞌuunik te Kajwaltik Jesucristoe.

Apocalipsis 19:10

La jkejan jba ta yok te ángele, yuꞌun ya kichꞌ ta mukꞌ. Pero te ángele la yalbon: —Ma xꞌapas jich. Yuꞌun te joꞌone yaj-aꞌtelon euk te Diose, jich mismo te tutꞌil jaꞌate y sok te awermanotak te sigue jun yoꞌtanik ta yalel ta jamal te skꞌoplal Jesuse. Jaꞌ me xꞌawichꞌ ta mukꞌ te Diose —xchi. Yuꞌun te skꞌoplal te Jesuse jaꞌ ya xꞌalbot ta yoꞌtanik te machꞌatik jꞌalwanejetik yuꞌun te Diose.

Apocalipsis 1:9

Joꞌon Juanon, joꞌon awermanoikon te pajal ay ta jkuentatik te wokole sok te pajal ay ta jkuentatik te ya joyintik ta ajwalil te Cristoe, sok te pajal ya yaꞌbotik jpuersatik te ya xkujch kuꞌuntik te wokoletike. Liꞌ aꞌbilon ba chꞌin luwar Patmos sbiil te joybil ta mare, jaꞌ ta skaj te yipalon ta yalel te skꞌop Diose te jamal ya yakꞌ ta naꞌbeyel sluwar te Jesuse.

1 Timoteo 1:11

Y te lekil nojpesel to, jaꞌ te tey ya jtatik a te ben tsaꞌam skꞌoplal yuꞌun te kolele, te jaꞌ a yaꞌbon kaꞌtelin te Diose te bayal slekilale.

2 Corintios 10:10

Ay ya yalik: “Te skartaetike lom kꞌux y lom tulan, pero teme jul tal stukele, maꞌyuk ta jkuenta sok maꞌyuk ta jkuenta te tut ya xjul yale”, xchi.

Romanos 16:25

Aꞌ kaltik yutsilal te Diose te ya xjuꞌ yuꞌun te ya yaꞌbeyex yip awoꞌtanike, jich tutꞌil te ya yal te skꞌoplal kolel te yipalon ta yalele, jaꞌ bi, jaꞌ te tutꞌil ay skꞌoplal te Jesucristoe. Jaꞌ to jaꞌ te tut la yakꞌix ta naꞌel ta ora to te tut xchapoj ta yoꞌtan te Diose. Jaꞌ te tut mukul ay ta nail to te kꞌalal ma to ayuk a te balmilale.

1 Corintios 2:7

Jaꞌ ya kaltik te spꞌijil skꞌop Dios te mukꞌul aye. Jaꞌ bi, jaꞌ te la snop ta yoꞌtan te kꞌalal ma to spas a te balmilale te ya slebotik jlekilaltik sbajtel kꞌinale.