1 Corintios 15:4 - Nuevo Testamento Tzeltal de Amatenango

⁴ La smukike y chaꞌkux tal ta yoxebal kꞌaal jich tutꞌil ya yal te Sjun Diose.

Bible in Tzeltal Bachajón

⁴ la yich' muquel, soc cha'cuxaj tal ta yoxebal c'ahc'al, hich nix te bin ut'il ts'ihbabil ta Shun Dios;

Bible in Tzeltal de Oxchuc y Tenejapa

⁴ Soc te la yich' muquel, soc te cha'cux tel ta yoxebal c'aale, jich bit'il ts'ibubil jilel ta Sjun te Diose.

1 Corintios 15:4 Referans Kwoze

San Mateo 12:40

Jich te Jonase anin ta xchꞌujt mukꞌul chay oxeꞌ kꞌaal sok oxeꞌ ajkꞌubal. Jaꞌ jich euk te Nichꞌanile ya me xmujk oxeꞌ kꞌaal sok oxeꞌ ajkꞌubal.

Hebreos 13:20

Te Dios yuꞌun butsꞌan kꞌinal la chaꞌkuxes tal te ba animaetik te Kajwaltik Jesuse, te stukel mukꞌul jkanan yuꞌun te karneraetike, ta skuenta xchꞌichꞌel te la xchap a te trate sbajtel kꞌinal aye.

Romanos 6:4

Yuꞌun ta skuenta te ichꞌjaꞌe jun nax a mujkotik sok Cristo y jchamotik. Sok jich tutꞌil chaꞌkux te Cristoe ta skuenta te slekil spoder te Jtatik Diose, jich ya xchaꞌkuxotik, sok ya kichꞌtik achꞌ kuxlejal.

San Lucas 24:46

Y la yaltalanbe: —Jich tsꞌibabil jilel te puersa ya xkꞌax jwokol joꞌon te Cristoone, y ya xchaꞌkuxon tal ta yoxebal kꞌaal.

San Lucas 24:26

¿Me ma wan puersauk nail ya xkꞌax swokol te Cristoe, antes te ya xꞌoch te ba lekilale? —xchi.

San Lucas 9:22

Y la yaltalanbe: —Te Nichꞌanile puersa ya xkꞌax bayal swokol. Ya me spꞌajik te moletik sok te statal saserdoteetike sok te maestroetik yuꞌun te mantaliletike. Ya me yakꞌik ta milel, pero ya me xchaꞌkux tal ta yoxebal kꞌaal —xchi.

Colosenses 2:12

Yuꞌun la awichꞌik mukel sok Cristo te la awichꞌik jaꞌe. Y la awichꞌik chaꞌkusesel sok, porke la achꞌuunik te tutꞌil Dios la xchaꞌkuses ta skuenta spoder.

Hechos 17:31

Yuꞌun snaꞌojix te Diose te tut kꞌaalil ya yichꞌbe jkuenta yaꞌtel te gentee, ta skuenta te jtul winik te la stꞌuje, jaꞌ te Jesuse. Jamal a akꞌtalanbot yil spisil te kꞌalal la xchaꞌkuses tal te ba ay animaetike —xchi te jPabloe.

Hechos 1:3

Y ta patil, te kꞌaxix tal yuꞌun a te milele, la yakꞌ sba ta ilel ta stekꞌlejal. Klaro a yakꞌtalan ta ilel te tutꞌil kuxulixe. Kuarenta kꞌaal a yakꞌ sba ta ilel ta stojolik. Y la yaltalanbe sluwar te tutꞌil ay ta ajwalinel te Diose.

San Marcos 9:31

yuꞌun yipal ta spꞌijutesel a te jnopojeletik yuꞌune. La yalbe: —Te Nichꞌanile, ya me yakꞌik ta skꞌab winketik, y ya me smilik. Pero ta yoxebal kꞌaal ya me xchaꞌkux tal —xchi te Jesuse.

San Mateo 20:19

Ya me xꞌakꞌot ta skꞌab te jyanlumetike y ya me xꞌikꞌtinot. Sok ya me yichꞌ aresial ta nujkul sok ya me xꞌakꞌot ta milel ta krus. Pero ta yoxebal kꞌaal ya me kichꞌ chaꞌkusesel —xchi te Jesuse.

San Mateo 16:21

Jaꞌ yorail a te Jesuse lijk yalbe te jnopojeletik yuꞌune te ya xbajt ta Jerusalene, y te moletik sok te statal-saserdoteetik sok te maestroetik yuꞌun te mantaliletike ya me yaꞌbeyik xkꞌax bayal swokol. Sok la yal te tutꞌil ya xba mileke, pero ta yoxebal kꞌaal ya xchaꞌkusesot tal.

1 Pedro 1:11

Te Espíritu yuꞌun te Cristoe la yaꞌbe snaꞌ ta nail te jꞌalwanejetik te ya xkꞌax swokol te Cristoe, y te ya xtal te lekilal ta patile. Yoꞌtanuk kꞌan snaꞌbeyik sluwar machꞌa genteil a y tut kꞌaalil ya xkꞌot ta pasel te tut albot ta yoꞌtanik yuꞌun te Espíritu te ay ta stojolike.

San Juan 19:38

Ay jtul winik Jose sbiil, te talem ta chꞌin jtejklum Arimatea, te ay ta jnopojel yuꞌun Jesus. Pero mukul nax ay, yuꞌun ya xiꞌ te statal juriyoetike. Te Josee ba skꞌanbe permiso te jPilatoe te yauk yichꞌbe bael stiꞌbalul te Jesuse. Te jPilatoe la yakꞌ permiso, y te Josee ba yichꞌbe bael stiꞌbalul te Jesuse.