1 Corintios 15:1 - Nuevo Testamento Tzeltal de Amatenango

¹ Te ora to, kermanotak, ya jkꞌan ya anaꞌik te skꞌoplal kolel te la kaltalanbeyexe. Jaꞌ to te skꞌoplal te jaꞌex la awaꞌiyik, y sok te ben jun awoꞌtanik achꞌuunejike.

Bible in Tzeltal Bachajón

¹ Yo'tic, quermanotac, ya calbeyex xan te lec yach'il c'op te calbeyejexix awa'iyique, te awich'ojiquix soc te jun awo'tan ach'uhunejique.

Bible in Tzeltal de Oxchuc y Tenejapa

¹ Ta ora to, quermanotac, ya calbeyex xan ta jamal te lec yach'il c'op te la jcholbeyex awaiyique. La awich'ic ta muc' te c'alal la awaiyic stojole soc jun awo'tanic ach'uunejic ta ora to.

1 Corintios 15:1 Referans Kwoze

1 Pedro 5:12

Te Silvanoe, jaꞌ te jtul hermano te jun yoꞌtan xchꞌuunej Diose, jaꞌ la jmajanbey skꞌab ta stsꞌibayel te chꞌin karta to. Yuꞌun ya jtsꞌitsex y ya kalbeyex ta jamal te bendisionetik te awichꞌojikixe, te chikan a te jich ay slekil yoꞌtan te Diose. Jmel nax me junuk awoꞌtanik te tutꞌil jich ay te xkꞌuxul yoꞌtane.

1 Tesalonicenses 1:6

Te jaꞌexe jaꞌ la anopik te tutꞌil ayotike y sok te tutꞌil ay te Kajwaltike. Y la awichꞌik ta jkuenta te skꞌop Diose sok te sbujtsꞌ awoꞌtanik te la yaꞌbeyex te Chꞌul Espiritue, aunke la ataik bayal awokolik ta ilbajinel yuꞌun.

2 Corintios 1:24

Ma yuꞌunuk jaꞌ ya jkꞌantik te ya sujtikex ta xchꞌuunele, yuꞌun ben jun awoꞌtanik sok ayix xchꞌuunel awoꞌtanike. Te tut ya jkꞌantike jaꞌ te ya xꞌaꞌtejotik ta akuentaik, yuꞌun jich me ben jun awoꞌtanik a.

2 Tesalonicenses 3:6

Kermanotak, ya kalbeytikex ta skuenta te Kajwaltik Jesucristoe: Ma me ajoyinik te machꞌauk hermanoil te ma skꞌan xꞌaꞌteje y te ma jichuk ya spas te tutꞌil la jnojpestikexe.

1 Tesalonicenses 4:1

Te ora to, kermanotak, awokolikuk ya kalbetikex ta skuenta te Kajwaltike, jich me ya apasik xan tutꞌil te yipalexix ta spasele. Ja te tutꞌil joꞌotik a jnopestikex te jich ya apasike, skuenta yuꞌun lek ya yilex a te Diose.

1 Tesalonicenses 2:13

Jaꞌ yuꞌun sil tiempo ya kalbetik kola yal Dios yuꞌun te kꞌalal la awaꞌiyik te skꞌoplal Dios te la kalbetikixe, la achꞌuunik te jaꞌ skꞌop te Diose, sok ma jaꞌuk skꞌop nax te winketike. Y batsꞌi jich te jaꞌ skꞌop te Diose, te yipalix ta aꞌtel ta akuentaik te jayebex te achꞌuunejike.

Romanos 2:16

Ya sta skꞌaalel yuꞌun Dios te ya yichꞌ jkuenta te Jesucristoe, sok te ya yal ta jamal te tut yilel te kaꞌteltike. Jich tutꞌil ya yal te lek achꞌ kꞌop te yipalon ta yalele.

Hechos 11:1

Te apostoletike sok te hermanoetik te ayik ta Judea la yaꞌiyik te xchꞌuunejikix euk te skꞌop Diose te machꞌatik ma jurioyouke.

San Juan 12:48

Te machꞌa ya spꞌajone y teme ma xyakꞌ ta jkuenta te jkꞌope, ay me machꞌa te ya xꞌakꞌot bael ta chꞌayel yuꞌune: Te jkꞌop te la kalixe jaꞌ ya xꞌakꞌot bael ta chꞌayel yuꞌun ta slajibal kꞌaal.

1 Corintios 3:6

Te joꞌone la kaw, y te Apolose la yaꞌbe yaꞌlel. Pero Dios jaꞌ a yakꞌ chꞌiuk tal te tutiꞌ yichꞌ tsꞌunele.

Romanos 5:2

Yuꞌun ta skuenta Cristo te kꞌot ta jkuentatik te slekil yoꞌtan Dios, ta skuenta nax te xchꞌuunel koꞌtantike. Y jich jun koꞌtantik ayotik sok ben butsꞌan kꞌinal ya jmalitik ya kichꞌtik te slekilal Diose.

Hechos 2:41

Jich te machꞌatik la yakꞌik ta jkuenta te skꞌop Dios te la yal te jPedroe, akꞌtalanbot yichꞌjaꞌ. Te kꞌaal abi ay wan tres mil ta jtul a pꞌolik te hermanoetike.

Romanos 11:20

Batsꞌi jich te la yichꞌik bojtalanel lokꞌele, pero jaꞌ yuꞌun te maꞌyuk xchꞌuunel yoꞌtanike. Y te jaꞌate ayat ta skuenta nax te ay xchꞌuunel awoꞌtane. Jaꞌ yuꞌun ma me atoy abaik. Jaꞌ mas lek te ya axiꞌike.

1 Corintios 4:15

Yuꞌun te jaꞌexe manchuk me ay dies mil ta jtul maestro awuꞌunik te ya yaꞌbeyex anopik skꞌoplal te Cristoe, pero ma bayaluk te atatike. Atatonik kꞌoem te jaꞌexe te tutꞌil lijk achꞌuunik te Cristo Jesuse, yuꞌun joꞌon a kalbeyex te lek achꞌ kꞌop yuꞌune.

1 Corintios 16:13

Kuxa me awoꞌtanik y junuk me awoꞌtanik ta xchꞌuunel te Cristoe. Pasaik me winikil, y ayuk me spuersa awoꞌtanik.