1 Corintios 13:3 - Nuevo Testamento Tzeltal de Amatenango

³ Y manchuk teme ya jpukbey meꞌbaetik spisil te tut ay kuꞌune, sok teme jun koꞌtan ya kakꞌ entregal ta chikꞌel te jtiꞌbalule, pero teme maꞌyuk xkꞌuxul koꞌtane, ni ma xtuunon me abi.

Bible in Tzeltal Bachajón

³ Teme ya jq'uebenlambe spisil jbiluc te pobrehetic, soc teme ya cac' ta chiq'uel te jbaq'uetal, pero teme mayuc sc'uxul co'tan, mayuc bin ya jta a.

Bible in Tzeltal de Oxchuc y Tenejapa

³ Soc manchuc teme ya jq'uebanbey spisil jbiluc te me'baetique, soc teme jun co'tan ya cac' jba ta c'ajq'uel soc te jbaq'uetale, ja'uc me to, teme ma'yuc xc'uxul te co'tane, ma'yuc bi ya xloc' cu'un xujt'uc a.

1 Corintios 13:3 Referans Kwoze

San Juan 15:13

Maꞌyuk machꞌa mas mukꞌ slekil yoꞌtan ke te machꞌa ya yakꞌ sba ta milel yuꞌun te yamigotake.

San Mateo 23:5

Spisil te tut ya spasike jaꞌ nax ya yakꞌ sbaik ta akꞌel ta jkuenta a yuꞌun te genteetike. Yuꞌun ya skꞌupinik yichꞌel ta yelawik sok ta skꞌabik te chꞌin yawil Sjun Dios te tsꞌibabile, sok ya skꞌupinik te ben najt stsijtsomal te skꞌuꞌ-spakꞌ ya slapike.

Gálatas 5:26

Ma me lom toybaukotik. Ma me talel baeluk ya japuj jbajtik ta pleto y mak me kil-oꞌtantay jbajtik.

San Lucas 18:28

Te jPedroe la yal: —Kajwal, te joꞌotike jilemix kuꞌuntik te tutik ay kuꞌuntike y tsꞌakliyejtikatix —xchi.

Hebreos 13:9

Ma me awakꞌ abaik ta loꞌlayel yuꞌun yanetik nojpesel te ma jaꞌuk yuꞌun te Diose. Jaꞌ lek te ayuk spuersa te koꞌtantike ta skuenta xkꞌuxul yoꞌtan te Diose. Ma me jaꞌuk nax xbajt ta awoꞌtanik te mantal yuꞌun te tutik weꞌeliletike, yuꞌun maꞌyuk tutiꞌ staik a te machꞌa jich ay ta pasele.

1 Timoteo 4:8

Ya xtuun chꞌinuk te ya jkꞌayestik te jtiꞌbalultike; yan te ya jkꞌayes jbajtik ta xchꞌuunel Diose, jaꞌ bayal ya xtuun yuꞌun stukel, porke ay me tut ya jtajtik a yuꞌun te jkuxlejaltik to y sok yuꞌun te jkuxlejaltik ta patile.

San Juan 12:43

Yuꞌun jaꞌ bayal skꞌoplal ta yoꞌtanik te jaꞌuk lek ya xꞌilot yuꞌun te genteetike, ma jaꞌuk tulan skꞌoplal ta yoꞌtanik teme lek ya xꞌilot yuꞌun te Diose.

San Lucas 18:22

Te kꞌalal la yaꞌi te Jesuse, la sjakꞌbe te winike: —Ay to xan yan te tut ya skꞌan ya apase: Chona spisil te tut ay awuꞌune, y kꞌebenbeya te meꞌbaꞌetike. Jich me ay akꞌulejal ta chꞌulchan ya xkꞌoat. Laꞌ me joyinaon bael tsꞌiin —xchi.

Hechos 21:13

Pero te jPabloe la sjakꞌ: —¿Tuꞌun te ya xꞌokꞌexe te ya awaꞌbikon yajtal koꞌtane? Te joꞌone dispuesto ayon a teme chukel o milel ya xkꞌo jta ta Jerusalen, teme jaꞌ ta skaj te Kajwaltik Jesuse —xchi.

San Juan 13:37

Te jPedro la yal: —Kajwal, ¿tuꞌun te ma spas ya jtsꞌakliyat bael te ora to? Dispuesto ayon te ya kakꞌ jba ta milel ta akaje —xchi.

San Juan 6:63

Jaꞌ kuxulat yuꞌun te Espiritue; yan te atiꞌbalule ma tut snaꞌ stukel. Y te tutik la kalbeyexe jaꞌ yuꞌun te Espiritue, jaꞌ ya xkuxuyinex yuꞌun.

San Lucas 19:8

Te Zaqueoe tejkꞌaj jajchel. Jich a yalbe te Kajwaltike: —Ilawil, Kajwal, ya me jkꞌebenbey oliluk te stutik kuꞌun te meꞌbaꞌetike. Sok teme ay machꞌa kelkꞌanojbe stutik yuꞌune, ya me jsujtesbe chanmel ta mas sjelol te tut kelkꞌanojbeye —xchi.

Filipenses 2:3

Ma me ayuk tuti ya apasik ta skuenta tsalaw sok ta skuenta toybael. Chꞌin me ya skꞌan ya awakꞌ abaik, y ta juju-tul jaꞌ me mukꞌ skꞌoplal awuꞌunik te yanetike te tutꞌil te jaꞌat mismoe.