1 Corintios 13:11 - Nuevo Testamento Tzeltal de Amatenango

¹¹ Te kꞌalal chꞌinon to aye, jich ya xkꞌopojon tutꞌil jtul untik, sok jich la jnop y jich jrason tutꞌil jtul untik. Pero te kꞌalal winikubone, la jilesix ta jpat te tut a te yuꞌun jtul untike.

Bible in Tzeltal Bachajón

¹¹ Te c'alal alalon to a, hich c'opojon te bin ut'il alal, hich snopojibal cu'un te bin ut'il alal, hich co'tan te bin ut'il alal; pero te c'alal winiconix a, hil cu'un spisil te bin scuenta alal.

Bible in Tzeltal de Oxchuc y Tenejapa

¹¹ Te c'alal alalon to ae, jich c'opojon te bit'il alal, soc jich co'tan te bit'il alal, soc swenta alal te bila la jnop ta co'tane. Yan te c'alal winicubone, jich la quijq'uitay jilel ta jpat te bila swenta te alale.

1 Corintios 13:11 Referans Kwoze

1 Corintios 14:20

Kermanotak, ma me jichukex te tutꞌil ay te untike. Jachikukex me te tutꞌil untik te ma to ayuk ya spas te tut ma tsaꞌamuke. Pero jichukex me te tutꞌil mukꞌul gente te ayix srasone.

Gálatas 4:1

Te tut ya jkꞌan kalbeyexe jaꞌ to: Mientras chꞌin to te machꞌa ya yichꞌ jilel te majtanile, jaꞌ pajal sok jtul moso te ay ta skanantayel te sna state, manchuk me jaꞌ yuꞌun ta spisil.

San Mateo 16:7

Te jnopojeletike jicha lijk yalbe sbaik yuꞌun: —Jaꞌ yuꞌun te maꞌ jnaꞌtik tal kotike —xchiik.

1 Corintios 13:10

Teme kꞌot yorail ta slajibal te kꞌalal ya xtal te tut batsꞌi toj ta naꞌele, teꞌ ya xchꞌay skꞌoplal te tutꞌil olil to nax ya jnaꞌtike.

1 Corintios 13:12

Te ora to jich to nax ya kil tutꞌil ta jun espejo te ma to chikanuk lek ta ilele. Pero ya xtal jun kꞌaal te ya kiltik spisil te tut a te jamale. Te tut jnaꞌoj te ora to, olil to nax. Pero ya xtal jun kꞌaal te ya me kil spisil jich tutꞌil te Dios ya snaꞌbon jbae.