1 Corintios 12:8 - Nuevo Testamento Tzeltal de Amatenango

⁸ Ta skuenta te Espiritue, ay chaꞌoxtul te jaꞌ aꞌbil te ay spꞌijil ya xkꞌopoje. Y jaꞌ nax ta skuenta te Espíritu te ay yanetik te akꞌtalanbil te ya snaꞌik yalel te bayal tut yiloje.

Bible in Tzeltal Bachajón

⁸ Ay mach'a ya x'a'bot p'ijil-c'op ta scuenta te Espíritu; ay yan ya x'a'bot p'ijil-o'tanil scuenta sna'beyel scuentahil, ha nix te Espíritu te ya x'a'bot yu'une;

Bible in Tzeltal de Oxchuc y Tenejapa

⁸ Ta swenta te Espiritue, ay mach'a ya x'ac'bot bayal sp'ijil ta c'op. Soc ja' nix ta swenta te Espiritue te ay mach'a ya x'ac'bot bayal sp'ijil ta q'uinale.

1 Corintios 12:8 Referans Kwoze

2 Corintios 8:7

Yuꞌun te jaꞌexe te tutꞌil spisil yipalix ta juꞌel awuꞌunike: Ayix xchꞌuunel awoꞌtanik, sok ben lek ya anaꞌik xkꞌopojexe, sok pꞌijubenexixe, sok ben jun awoꞌtanik ya awakꞌ abaik ta abatinel, y sok te ben bayal kꞌuxotik ta awoꞌtanike. Jich mismo ya skꞌan te kꞌax jich ya xjuꞌix awuꞌunik te yaꞌtelul te kꞌuxutawaneje.

1 Corintios 1:5

Yuꞌun ta skuenta te Cristo Jesuse, Dios a yaꞌbeyex bayal slekilal, jich tutꞌil te ya anaꞌik te lek ya xkꞌopojexe, sok spisil te tut ya anaꞌike.

1 Corintios 1:30

Pero mismo te Diose jun nax a stsobex sok te Cristo Jesuse. Y jich a spas te jaꞌ jpꞌijiltik a yaꞌbotik te Cristoe. Y ta skuenta te Cristoe jich kolemotikix yuꞌun te jmultike. Uꞌuninbilotikix yuꞌun Dios y jaꞌ la skoltayotikix.

1 Corintios 13:8

Te xkuxul-oꞌtanile maꞌyuk tut ora ya xlaj stukel. Pero ya me xlaj skꞌoplal stukel te tutꞌil ya xkꞌopojik jꞌalwanejetik, sok te ya xkꞌopojik ta yanetik kꞌop a, sok te ya xkꞌopojik te machꞌatik ya snaꞌik tut ay ta balmilale.

San Mateo 13:11

Te Jesuse la yaltalanbe: —Te jaꞌexe Dios me ya yaꞌbeyex anaꞌik sluwar te tutꞌil ay ta ajwalinel te Diose, te maꞌyuk ta naꞌel ta nail toe. Yan te yanetike ma xꞌaꞌbot snaꞌbeyik sluwaril stukel.

1 Corintios 13:2

Y manchuk me ya xkꞌopojon ta yalel tut skuenta Dios, o ya jnaꞌ yaꞌiyel te tut mukul aye, o ya jnaꞌ spisil te tutik aye, y manchuk me puersa ay xchꞌuunel koꞌtan yuꞌun ya snik te witstikile, pero teme maꞌyuk xkꞌuxul koꞌtane, jowilon nax me abi.

Hechos 6:3

Jaꞌ yuꞌun, kermanotak, leaik jukebuk winketik ta awolilik te lek skꞌoplalike, sok te ay spꞌijil yoꞌtanike, sok te nojel ta yoꞌtanik te Chꞌul Espiritue. Yuꞌun jaꞌ me ya xkꞌot ta skuentaik te aꞌtel to.

Romanos 15:14

Jaꞌex kermanotak, jnaꞌoj ta lek te jaꞌexe beno slekil awoꞌtanik y spisil anaꞌojikix. Y anaꞌojikix te talel bael ya atsits abaike.

1 Corintios 2:11

Porke ¿machꞌa winketikil te ya xjuꞌ yuꞌun snaꞌel te tut ay ta yoꞌtan te winike? Yuꞌun jaꞌ nax stukel te winike te ya snaꞌ te tut ay ta yoꞌtane. Jaꞌ nax jich te Diose, úniko te Espíritu yuꞌune te ya snaꞌ tutꞌil ay te Diose.

1 Corintios 2:16

Yuꞌun jich ya yal te Sjun Diose: “¿Machꞌa kꞌan snaꞌbey tutꞌ ay spensar te Kajwaltike? ¿Machꞌa kꞌan juꞌuk yuꞌun ya spꞌijutes? xchi me. Pero te joꞌotike kichꞌojbeytikix spensar te Cristoe.

1 Corintios 14:6

Jaꞌ yuꞌun, kermanotak, makꞌ ya xtuun awuꞌunik teme tal kilex y te ya jkꞌoponex ta yan kꞌopetike. Jaꞌ to ya xtuun awuꞌunik teme ya kalbeyex te tut yachꞌil yalojbon te Diose, sok teme jaꞌ ya kaꞌbeyex anopik te tut apꞌijuteselike, sok teme ya kalbeyex te skꞌop Diose.

1 Corintios 14:26

Jaꞌ yuꞌun, kermanotak, te kꞌalal ya atsob abaik te jaꞌexe, ay yan ya xjuꞌ yuꞌun skꞌayojinel kꞌayojetik, sok ay yan ya snojpeswan, sok ay yan ya yal te tut ya xꞌaꞌbot snaꞌ yuꞌun Dios, sok ay yan ya xkꞌopoj ta yanetik kꞌopiletik, sok ay yan ya skꞌases te yanetik kꞌopiletike. Pero ta spisiluk me, jaꞌuk me yuꞌun te ya xmukꞌubik ta stojol Dios ta spisilik a.

2 Corintios 1:12

Ay tut yuꞌun te ay sbujtsꞌ koꞌtantike: jaꞌ te ya jnaꞌtik te lek kakꞌoj jbatik y stojil a kuxuyinotik liꞌ ba balmilale, y mas to xan a ta awolilik te jaꞌexe. Ma jaꞌuk pꞌijilil ta skuenta tiꞌbalulil. Jaꞌ nax ta slekil yoꞌtan Dios te skoltayejotik te jich ya xkuxuyinotike.

2 Corintios 2:14

Kola yal Dios te sil tiempo xcholetotik ta spat te Cristo Jesus te tsalawanemix stukele, y ta jkuentatik joꞌotik te ya yakꞌ chiknajuk ta bayuk te skꞌope, te pajal sok te ya xchiknaj ta bayuk nax te ben tsꞌaam yikꞌe.

2 Corintios 4:6

Porke stukel mismo te Diose te la yakꞌ tal sakubuk kꞌinal te ba ay te ijkꞌal kꞌinale, jaꞌ nax te la yakꞌ sakubuk kꞌinal ta koꞌtantike yuꞌun ta skuenta jich ya xjuꞌ ya jnaꞌbetik sba a te stsaꞌamul Dios te ya xchiknaj ta sit-yelaw te Jesucristoe.

2 Corintios 6:6

Jich me ya kakꞌtik ta ilel te lekix ayotik sok te jkuxlejaltike, sok te tutꞌ jnaꞌojbetik sluwaril te tut batsꞌi jiche, sok te ay perdon ta koꞌtantike, sok te ay slekil koꞌtantike, sok te ay ta koꞌtantik te Chꞌul Espiritue, sok te batsꞌi ay xkꞌuxul koꞌtantike,

2 Corintios 11:6

Aunke me ma jnaꞌ lek xkꞌopojon, pero bayal te tut jnaꞌojbey sluwarile. Y jaꞌ to jaꞌ kakꞌojtikix awilik sil tiempo te jaꞌexe, y sok spisil te tut juꞌemix kuꞌuntike.