1 Corintios 12:6 - Nuevo Testamento Tzeltal de Amatenango

⁶ Y ay skajal-skaj te tutꞌil ay ta pasel te aꞌtele, pero jun nax te Dios te ya yaꞌbotik te ya xjuꞌ kuꞌuntik spasel.

Bible in Tzeltal Bachajón

⁶ Soc ay bayel ta chahp bintic ay ta pasel, pero junax Dios te ya spasticlambe ta stojol spisilic.

Bible in Tzeltal de Oxchuc y Tenejapa

⁶ Ajtalam ta pasel te at'ele, ja'uc me to, ja' nix Dios te ya yac'botic te ya xju' cu'untic spasele.

1 Corintios 12:6 Referans Kwoze

1 Corintios 12:11

Pero ta spisil te jich ay ta pasele, jtul nax Espíritu ya yaꞌbe ta juju-tul te tut la skꞌan yoꞌtan stukele.

1 Corintios 3:7

Maꞌyukik ta kuenta te machꞌa la yawe sok te machꞌa la yaꞌbe yaꞌlele. Jaꞌ nax ay ta kuenta te Dios te ya stsꞌijtes te tutꞌ tsꞌunbile.

San Juan 5:17

Pero te Jesuse la yaltalanbe: —Te Jtate yipal ta aꞌtel y jichon euk yipalon ta aꞌtel —xchi.

Colosenses 3:11

Jich maꞌyukix skꞌoplal me juriyo o ma juriyouke, me yichꞌoj sirkunsision o ma yichꞌojuk, me jyanlum, o ma tsaꞌamuk ta genteil, me ay ta mosoil o libre ay. Te tut tulan skꞌoplale jaꞌ te Cristo, te jaꞌ yuꞌun ta spisil y ay ta skuenta spisil.

Efesios 4:6

jun nax te Dios te jaꞌ Tatil yuꞌun spisil y te stukel ay ta skuenta spisil. Ya xꞌaꞌtej ta spisil y yuꞌun ta spisil.

Hebreos 13:21

Jaꞌ me ya stojutesex ta spasel spisil te tut lek ya apasike, jich tutꞌil ya skꞌan yoꞌtan stukele. Sok jaꞌ a spasbotik te tut ya skꞌan stukele, ta skuenta te Jesucristoe. ¡Ay slekilal sbajtel kꞌinal stukel te Cristoe! Jichuk.

Colosenses 1:29

Jaꞌ yuꞌun te yipalon ta aꞌtel sok spisil te jpuersa ya yaꞌbon te Cristoe.

Filipenses 2:13

Yuꞌun te Diose stukel me ya yaꞌbeyex te tutik lek ya anopike, y stukel ya skoltayex bael ta spasel te tut ya skꞌan yoꞌtane.

1 Corintios 15:28

Y te kꞌalal spisil ayix ta skuenta a te Cristoe, jich te Cristoe te stukel nichꞌanile, stukel mismo ya yakꞌ sba ta skuenta Dios. Te jaꞌ nax a yakꞌ ta skuenta Cristo spisil te tutik aye. Jich te Diose stukel nax ay ta skuenta spisil.

1 Corintios 12:5

Ay skajal-skaj te tutꞌil ya xtuunotike, pero spisil te aꞌtele jun nax te Yajwale.