1 Corintios 12:2 - Nuevo Testamento Tzeltal de Amatenango

² Te jaꞌexe anaꞌojik te kꞌalal ma to achꞌuunejikuk a te Diose, jun awoꞌtanik likbilex te chꞌayemex bael te ba ay te lotil diosetik te makꞌ xlaj kꞌopoje.

Bible in Tzeltal Bachajón

² Yac ana'ic te c'alal ma to ach'uhunejic Dios a, ic'otex bahel ta howiyel ta banti ay uma' loc'ombahetic.

Bible in Tzeltal de Oxchuc y Tenejapa

² Te ja'exe, ya ana'ic stojol te bit'il ayex a te c'alal ma to ach'uunejic a te Diose. Jun nax awo'tanic la awac' abaic ta jowil alajinbel abaic ta stojol te loc'ombaetic te ma xc'opojique.

1 Corintios 12:2 Referans Kwoze

1 Pedro 4:3

Bayal kꞌaal la apasik te jaꞌexe jich mismo te tutik ya spasik te machꞌatik ma snaꞌbeyik sba te Diose. Jich kꞌayex ta spasel te mulile, sok te tut ma tsaꞌamuk te ya skꞌan awoꞌtanike, sok te yakubele, y niketel ta pas-kꞌin, y lom nax la alajinik atakꞌinik, y la akejan abaik ta stojol lotil diosetik te kꞌax ma tsaꞌamuke.

1 Tesalonicenses 1:9

porke stukelik mismo ya yalik te tutꞌil kꞌo kiltikex tal, sok te tutꞌil lek la awikꞌotik te jaꞌexe, y sok te tutꞌil la ajilesik te lotil diosetike. Yuꞌun la asujtes awoꞌtanik ta stojol te batsꞌi kuxul Dios y te lijk awakꞌ abaik ta abatinel yuꞌune.

Gálatas 4:8

Te nail toe, kꞌalal ma to xꞌanaꞌbeyik sba Dios te jaꞌexe, ayex to ta mosoinel yuꞌun te lotil diosetike.

1 Corintios 6:11

Y jich la apasik ta nail to euk te jaꞌexe. Pero te ora to la awichꞌikix sakutesel y lekutesbilix awoꞌtanik yuꞌun amulik ta skuenta te Kajwaltik Jesucristoe y sok ta skuenta te Chꞌul Espíritu yuꞌun te Dios kuꞌuntike.

1 Pedro 1:18

Yuꞌun Dios la skoltayex te jaꞌexe yuꞌun te akuxlejalik te jowil nax te la yaꞌbeyex jilel te antibo ameꞌ atatike. Te jaꞌexe lom lek anaꞌojik te stojol te kolel to maꞌ yichꞌ tojel ta tutik te ya xkꞌaꞌe, jich tutꞌil te oro o te platae,

Tito 3:3

Porke te nail toe jich ma pꞌijukotik ekꞌa, y ma jchꞌuunbeytik smantal te Diose. Chꞌayel ayotik, sok ayotik ta mosoinel yuꞌun spisil ta jkaj te tutik kꞌupinbil ta skuenta balmilale. Ma lekuk ayotik, sok la kilbey jba koꞌtantik, y la jpꞌaj jbajtik ta jujutul.

San Mateo 15:14

Teꞌ yil sbaik a, te ya stojutesik ta be te choketike, pero pajal chok kꞌoem sok. Teme jtul chok ya stojutes ta be te jtul xan choke, pajal me ya xchꞌay sok koel ta chꞌen —xchi te Jesuse.