1 Corintios 1:25 - Nuevo Testamento Tzeltal de Amatenango

²⁵ Yuꞌun te tutꞌil snopoj Dios te kuybil ta jowil naxe, jaꞌ mas ben pꞌij ke te spꞌijil gente naxe. Y te tutꞌil lom pekꞌ ya spas te Diose, jaꞌ mas tulan ke te spisil spuersa gentee.

Bible in Tzeltal Bachajón

²⁵ como te bin sonso yu'un Dios c'ax hich p'ij a te bin ut'il sp'ijil te ants-winiquetic, soc te bin mayuc yip yu'un Dios c'ax hich yip a te bin ut'il yip te ants-winiquetique.

Bible in Tzeltal de Oxchuc y Tenejapa

²⁵ Melel te banti jteb nax sp'ijil ya yac' ta ilel te Diose, ma stabey c'oel spisil sp'ijil te ants-winiquetique. Soc te banti jteb nax yip ya yac' ta ilel te Diose, ma stabey c'oel spisil yip te ants-winiquetique.

1 Corintios 1:25 Referans Kwoze

1 Corintios 1:18

Lom nax kꞌoem ta yoꞌtanik te machꞌatik chꞌayel ya xlaj bajtike te tutꞌ ay skꞌoplal te cham ta krus te Cristoe. Pero te skꞌoplal to jich kꞌoem ta koꞌtantik te jaꞌ spoder Dios yuꞌun te machꞌatik ya xkolotike.

2 Corintios 13:4

Jich te la yichꞌ jijpanel ta krus te maꞌyuk spuersa yilele, pero kuxulix ta spoder te Diose. Jich mismo euk te joꞌotike pajal maꞌyuk jpuersatik sok yilel. Pero te tutꞌil jun nax ayotik soke, jich kuxulotik ta spoder Dios yuꞌun te yipalotik ta aꞌtel ta atojolike.

1 Corintios 1:21

Te Diose ta skuenta spꞌijil maꞌ yakꞌ sba ta naꞌel yuꞌun te machꞌatik ay ta skuenta te balmilale; maꞌ snaꞌbeyik sba ta skuenta te spꞌijilik naxe. Jaꞌ lek a yaꞌi te Diose te ya skoltay ta skuenta skꞌop te ya stikon ta alel ta stojol te machꞌatik ya xchꞌuunike, aunke te skꞌoplal to jowil nax kꞌoem ta yoꞌtanik.

1 Corintios 2:14

Te machꞌa maꞌyuk ta skuenta te Espiritue, ma skꞌan xchꞌuunik te tutik skuenta te Espíritu yuꞌun Dios, yuꞌun jowil nax kꞌoem ta yoꞌtanik. Sok ma xjuꞌ yuꞌunik snaꞌbeyel sluwar, yuꞌun makꞌ xkoltayot ta yichꞌel jkuenta yuꞌun te Espiritue.

1 Corintios 4:10

Te joꞌotike jaꞌ ta skaj te Cristo te kuybilotik ta ma pꞌijukotike. Yan te jaꞌexe, ben pꞌijex ta skuenta Cristo ta akꞌopik. Te joꞌotike maꞌyuk jpuersatik. Yan te jaꞌexe bayal apuersaik ta akꞌopik. Te joꞌotike pꞌajbilotikix. Yan te jaꞌexe aꞌbilex ta jkuenta.