1 Corintios 1:15 - Nuevo Testamento Tzeltal de Amatenango

¹⁵ Jich maꞌyuk machꞌa ya xjuꞌ ya yal te aꞌbot yichꞌ jaꞌ ta joꞌon jbiile.

Bible in Tzeltal Bachajón

¹⁵ scuenta yu'un mayuc mach'a ya xhu' ya yal te ho'on ta scuenta jbihil te a'bot yich' ha'.

Bible in Tzeltal de Oxchuc y Tenejapa

¹⁵ Jich ma'yuc mach'a ya xju' ya yal jtuluc te jo'on ta swenta jbiil te ac'bot yich'ic ja'e.

1 Corintios 1:15 Referans Kwoze

2 Corintios 11:2

Tulan akꞌoplalik ta koꞌtan, jich tutꞌil tulan akꞌoplalik ta yoꞌtan te Diose. Joꞌon a kakꞌexix ta makel kꞌoem te ya xnujpun sok te jtul nax mamlalile, jaꞌ te Cristoe. Yuꞌun jich ya kakꞌex entregal ta stojol Cristo, jich tutꞌil jtul achꞌix te maꞌyuk smule.

San Juan 7:18

Te machꞌa stukel nax ya snop te tut ya yale, jich ya spas yuꞌun ya skꞌan akꞌel ta jkuenta yuꞌun te gentee. Yan teme jaꞌ ya skꞌan ya yakꞌ ta akꞌel ta jkuenta te machꞌa tikonbil tal yuꞌune, batsꞌi jich te tut ya yale sok maꞌyuk loꞌlawanej ta yoꞌtan.

San Mateo 3:6

Te machꞌatik la yalik ta jamal te smulike, akꞌtalanbot yichꞌik jaꞌ ta ukꞌum Jordan yuꞌun te Juane.

San Mateo 28:19

Jich yuꞌun baanik, benanik ta bayuk. Albeyaik te ya xꞌochik ta jnopojel kuꞌune spisil ta jkaj te genteetik ta balmilale. Aꞌbeyaik yichꞌ jaꞌ ta sbiil te jTate sok ta jkuenta euk te Nichꞌanilone, sok ta skuenta te Chꞌul Espiritue.

1 Corintios 1:14

Kola yal Dios te ma joꞌukon a kaꞌbeyex awichꞌik jaꞌ ni jtuluk te jaꞌexe. Jaꞌ nax a kaꞌbe yichꞌ jaꞌ te Crispoe sok te jGayoe.

1 Corintios 1:16

Sok la kaꞌbe yichꞌ jaꞌ euk te machꞌatik ay yuꞌun te Estéfanase. Ma jnaꞌ teme ay to yan machꞌa a kaꞌbe yichꞌ jaꞌe.