1 Corintios 1:13 - Nuevo Testamento Tzeltal de Amatenango

¹³ ¿Me yuꞌun chaꞌoxjajt lokꞌem a te Cristoe? ¿Me yuꞌun joꞌon a kichꞌ jojkꞌanel ta krus awuꞌunik? ¿O te la awichꞌik jaꞌ te jaꞌexe me jaꞌ ta jbiil?

Bible in Tzeltal Bachajón

¹³ ¿Yu'un bal sjatoj sba te Cristo? ¿Ha bal cham ta cruz awu'unic te Pablo? ¿La bal awich'ic ha' ta scuenta sbihil te Pablo?

Bible in Tzeltal de Oxchuc y Tenejapa

¹³ ¿Yu'un bal ay cha'oxchajp loq'uem a te Cristoe? ¿Yu'un bal ja' la yich' milel ta cruz awu'unic te Pabloe? ¿Yu'un bal ja' ta swenta sbiil Pablo te ac'botex awich'ic ja'e?

1 Corintios 1:13 Referans Kwoze

Efesios 4:5

Jtul nax te ajwalil awuꞌunik, jun nax te tut achꞌuunejike, jun nax te ichꞌjaꞌ awichꞌojike,

2 Corintios 11:4

Porke teme ay machꞌa tal jtuluk te ya yalbey skꞌoplal yan Jesus te ma jichuk te tutꞌil la kalbetikex skꞌoplale, jun awoꞌtanik ya awaꞌiyik te skꞌope. O teme ya awikꞌik sok sbujtsꞌ awoꞌtanik te jun espíritu te ma pajaluk sok te Espíritu te awikꞌojikixe, y sok ya achꞌuunik jun skꞌoplal kolel te ma pajaluk sok te tutꞌil achꞌuunejikixe.

Hechos 2:38

Te jPedroe la sjakꞌtalanbe: —Sujtesa awoꞌtanik ta stojol Dios y akꞌa abaik ta ichꞌjaꞌ juju-tul ta skuenta te Jesucristo. Yuꞌun jich me ya spasbeyex perdon yuꞌun amulik te Diose, sok amajtanik ya yaꞌbelex te Chꞌul Espiritue.

1 Corintios 10:2

Spisilik la yichꞌik jaꞌ kꞌoem te tutꞌil jun nax a laj kꞌotik sok te jMoises te axinteslanot ta tokal sok te kꞌaxik ta mare.

Hechos 19:5

Te kꞌalal jich a yaꞌiyike, la yichꞌtalanik jaꞌ ta skuenta te Kajwaltik Jesuse.

Hechos 10:48

Y la yal mantal te ya xꞌakꞌtalanbot ichꞌjaꞌ ta skuenta te Jesucristoe. Ta patil la skꞌanbeyik pawor te jPedroe te ya to sjoyinik jun chebuk kꞌaale.

Gálatas 1:7

Ma yuꞌunuk ay yan skꞌoplal te kolele. Jaꞌ nax te ay machꞌatik ya xchebentesbeyex awoꞌtanik te jaꞌexe. Ya skꞌan ya syanutesik te tutꞌil ay skꞌoplal te kolel yuꞌun te Cristoe.

San Mateo 28:19

Jich yuꞌun baanik, benanik ta bayuk. Albeyaik te ya xꞌochik ta jnopojel kuꞌune spisil ta jkaj te genteetik ta balmilale. Aꞌbeyaik yichꞌ jaꞌ ta sbiil te jTate sok ta jkuenta euk te Nichꞌanilone, sok ta skuenta te Chꞌul Espiritue.

Tito 2:14

Jaꞌ stukel a yakꞌ sba entregal ta milel te joꞌotik ta jkajtike. La skoltayotik yuꞌun ta spisil te tut ma lekuke, y tsꞌakal ya sakutesotik, yuꞌun stukel yuꞌunotik a, sok jaꞌuk ya koꞌtanintik ta pasel te tut leke.

1 Corintios 1:15

Jich maꞌyuk machꞌa ya xjuꞌ ya yal te aꞌbot yichꞌ jaꞌ ta joꞌon jbiile.

Romanos 14:9

Jaꞌ yuꞌun ito cham te Cristoe y chaꞌkux tal. Jaꞌ ajwalil yuꞌun te machꞌatik chamenike y sok te machꞌatik kuxajtike.

Hechos 8:16

Porke ma to xjul ta skuentaik ni jtuluk a te Chꞌul Espiritue, jip to nax a te la yichꞌik jaꞌ ta sbiil te Kajwaltik Jesuse.

San Mateo 3:6

Te machꞌatik la yalik ta jamal te smulike, akꞌtalanbot yichꞌik jaꞌ ta ukꞌum Jordan yuꞌun te Juane.