1 Corintios 1:11 - Nuevo Testamento Tzeltal de Amatenango

¹¹ Ya kalbeyex to kermanotak, porke la yalbelonix te machꞌatik ay yuꞌun te jCloee te lijkem kꞌop awuꞌunike.

Bible in Tzeltal Bachajón

¹¹ como te mach'atic ayic yu'un Cloé la yalbonic te ay hahchem c'op awu'unic, quermanotac.

Bible in Tzeltal de Oxchuc y Tenejapa

¹¹ Quermanotac, ja' la xcholbonix ac'oplalic te mach'atic ay yu'un te Cloé, te ay c'op jajch'em awu'unique.

1 Corintios 1:11 Referans Kwoze

1 Timoteo 6:4

jaꞌ jun toybajel te maꞌyuk tut ya snaꞌe. Jaꞌ nax baem ta yoꞌtanik puru kꞌopetik skuenta tsalawe jich tutꞌil jun chamel, y tey ya xtal a te il-oꞌtantawaneje sok pleto y toybael y te ma junuk yoꞌtanike.

Gálatas 5:26

Ma me lom toybaukotik. Ma me talel baeluk ya japuj jbajtik ta pleto y mak me kil-oꞌtantay jbajtik.

1 Corintios 3:3

yuꞌun skuentainejex to te atiꞌbalulile. Yuꞌun chikan te tutꞌ ayexe te ya to awilbey aba awoꞌtanik sok te ya ajapuy abaik ta kꞌope, sok te ya apitpit abaike. Yuꞌun sigue ya atamojik te tut skuenta atiꞌbalulike. Jich yipalex ta spasel te tut ya spas spisil te gente ta balmilale.

Gálatas 5:20

Ya skejan sbaik ta lotil dios y ya snopik uꞌulil. Ya spas kontrainwanej, pleto, sok laꞌoꞌtantayel. Jtsꞌin ya xlaj ilin, y ya stsalawan ta kꞌop, ya spit sbaik y ya smon sjoyik.

Gálatas 5:15

Ila me abaik, porke te jaꞌexe teme la atiꞌ abaik y sok teme ya atam abaik ta pletoe, tey me ya awilik a te jkꞌaxel ya ajim abaik ae.

2 Corintios 12:20

Porke te kꞌalal ya xba kilex, ya jxiꞌ teme ma jichuk ya xkꞌo jtaex te tutꞌ ya jkꞌane, sok teme ma jichuk ya xkꞌo ataikon te tutꞌ ya akꞌanik ekꞌa te jaꞌexe. Jaꞌ ya jxiꞌ teme ay kꞌop lijkem awuꞌunik, o il-oꞌtantawanej, o iliba, o ay dibision awuꞌunik, sok te le-mulile, sok te aꞌbiyanwaneje, sok te toybajele, y te lijkesej-kꞌope.

Filipenses 2:14

Spisil te tut ya apasike ma me sokuk pleto sok ma me xjajch kꞌop awuꞌunik.

1 Corintios 11:18

Te primero ma lekuk ya kaꞌiye, jaꞌ te ay albilon te kꞌalal ya atsob abaik ta kultoe te juju-tijkꞌ ayexe. Y ay jchꞌuunej te jicha nix ayex aye.

1 Corintios 1:10

Kermanotak, ta sbiil te Kajwaltik Jesucristoe, awokoliluk te yauk xꞌochex ta akuerdo sok te maꞌ xatꞌojuk abaike. Junuk me awoꞌtan abaik sok junuk nax me te tut ya anopike sok te tut ya awalike.

1 Corintios 1:12

Jaꞌ te ay jtul-chebex te ya awalik: “Joꞌon ayon ta skuenta jPablo”, yan ya yal: “Joꞌon ayon ta skuenta Apolos”, yan ya yal: “Ayon ta skuenta jPedro”, yan ya yal: “Joꞌon ayon ta skuenta Cristo”, xchaex.

Tito 3:9

Pero koma te kꞌopetik te jowil naxe, te skuentoal nax te antiboetike, sok te tsaltomba pleto kꞌopetik yuꞌun te tutꞌil ay te mantaliletik yuꞌun te jMoisese. Jaꞌ te tutik ma xtuun y te maꞌyuk sluwarile.