1 Corintios 1:10 - Nuevo Testamento Tzeltal de Amatenango

¹⁰ Kermanotak, ta sbiil te Kajwaltik Jesucristoe, awokoliluk te yauk xꞌochex ta akuerdo sok te maꞌ xatꞌojuk abaike. Junuk me awoꞌtan abaik sok junuk nax me te tut ya anopike sok te tut ya awalike.

Bible in Tzeltal Bachajón

¹⁰ Quermanotac, ya calbeyex wocol ta scuenta sbihil te Cajwaltic Jesucristo, te junuc ac'opic ta apisilic, te manchuc yac ajat abahic, te jc'axel junuc awo'tan abahic soc junuc snopojibal awu'unic;

Bible in Tzeltal de Oxchuc y Tenejapa

¹⁰ Quermanotac, ya calbeyex wocol ta swenta sbiil te Cajwaltic Jesucristoe, pajaluc me ac'opic ta apisilic, soc ma me ayuc xatomba awu'unic. Jun nax me xawac' abaic, soc junuc nax me te bila ya anopique, soc pajaluc nax me awilelic.

1 Corintios 1:10 Referans Kwoze

1 Corintios 12:25

Yuꞌun maꞌyuk tut ya skontrain sbaik a te tutik ay ta tiꞌbalulile. Jich talel bael ya xkꞌuxutay sbaik.

Romanos 12:16

Junuk awoꞌtan abaik ta juju-tul. Ma me toybaukex. Jaꞌ me pajal ya skꞌan xꞌanex sok te machꞌatik lom chꞌunulike. Ma me xꞌakuy te lom pꞌijexe.

2 Corintios 13:11

Ta slajibal, kermanotak, ya jkꞌan te junuk awoꞌtanik ayexe, y te ya aleik te ya xtojob akuxlejalike. Aꞌbeya abaik spuersa awoꞌtanik y junuk awoꞌtan abaik, y bujtsꞌanuk me kꞌinal. Aꞌ me sjoyinex te Dios te ay slekil yoꞌtan y sok te ay bujtsꞌan kꞌinal yuꞌune.

1 Corintios 11:18

Te primero ma lekuk ya kaꞌiye, jaꞌ te ay albilon te kꞌalal ya atsob abaik ta kultoe te juju-tijkꞌ ayexe. Y ay jchꞌuunej te jicha nix ayex aye.

Filipenses 1:27

Jaꞌ nax tulan skꞌoplal te ya xkuxuyinex jich tutꞌil ya yal te lek achꞌ kꞌop yuꞌun te Cristoe. Jich mismo teme tal kilex o teme maꞌ talone ya jkꞌan ya kaꞌiy te jaꞌex te sigue jun awoꞌtanik y te jun nax ayexe. Ya me apasik puersa ta apisilik te ya awakꞌik ta chꞌuunel te skꞌoplal kolele.

Romanos 16:17

Kermanotak, aꞌwokolikuk ila me abaik yuꞌun te machꞌatik ya yakꞌ dibisione sok te ya yakꞌex ta mulile, yuꞌun jaꞌ ya skontrainik te tut jich la yaꞌbelex anopik te jaꞌexe. Ma me ajoyin abaik sok.

2 Corintios 5:20

Jich yuꞌun joꞌotik ya xkꞌopojotik yuꞌun te Cristo ta atojolik. Jich kꞌoem te tutꞌil jaꞌ ya xwokolet ta akuentaik te Diose, te tutꞌil yipalotik ta kꞌop te joꞌotike. Jich yuꞌun, ta skuenta te Cristoe, awokolikuk te junuk awoꞌtan abaik sok te Diose.

1 Corintios 4:16

Jich yuꞌun ya kalbeyex te ya me anopik te tutꞌ ayone.

Hechos 4:32

Spisil te hermanoetike te lom bayalikixe jun nax te tut ya snopike y jun nax te xchꞌulelike. Maꞌyuk machꞌa yal te stukel yuꞌun te stutik yuꞌune, sinoke jun nax yuꞌunik ta spisilik.

San Juan 17:23

Te joꞌone ayon ta yoꞌtanik, y te jaꞌate ayat me ta koꞌtan euk, yuꞌun jich me jun nax ya xkꞌotik. Jich te machꞌatik ayik ta skuenta te balmilale te me ya snaꞌbeyik sluwar a te jaꞌat la atikonon tale, sok te ben kꞌux ta awoꞌtan te machꞌatik xchꞌuunejonixe, jich tutꞌil te kꞌuxon ta awoꞌtane.

1 Tesalonicenses 5:13

Ya skꞌan ya awichꞌik ta jkuenta, sok kꞌux me xꞌawaꞌiyik ta awoꞌtanik yuꞌun te yaꞌtel ya spasike. Junuk me awoꞌtan abaik.

Romanos 12:1

Jich yuꞌun, kermanotak, ya kalbeyex ta skuenta slekil yoꞌtan Dios, jich me ya skꞌan ya awakꞌ abaik ta stojol Dios tutꞌil kuxul smajtan Dios te lek ya yilex te Diose. Jich ya skꞌan ya kakꞌ jbatik ta stojol te batsꞌi ya jchꞌuuntike.

San Juan 10:19

Te kꞌalal la yaꞌiyik te juriyoetike te jich a kꞌopoje, jich maꞌyuk akuerdo a kꞌot yuꞌunik.

1 Pedro 2:11

Kermanotak te kꞌuxex ta koꞌtane, awokolikuk, jachikex me te tutꞌil jyanlumetik te beomaletik nax liꞌ ba balmilale. Ma me akꞌayes abaik a te tutik ya skꞌan te atiꞌbalulike te jaꞌ skontra te achꞌulelike.

2 Timoteo 4:1

Tulan ya kalbeyat ta stojol te Diose y sok te Cristo Jesuse, te jich ya xtal tutꞌil rey ta yichꞌel jkꞌuenta te machꞌatik kuxajtik y sok te machꞌatik chamenike.

Filipenses 3:16

Jaꞌ yuꞌun, jich tutꞌil kꞌoemix ta koꞌtantike, jich me ya skꞌan ya jpastik.

2 Corintios 10:1

Joꞌon jPabloon, ya kalbeyex awokolikuk ta skuenta slekil yoꞌtan sok skꞌuxul yoꞌtan te Cristoe. Yuꞌun ya awalik te kꞌalal ayon ta awolilike lom mansoo kakꞌoj jba. Y te kꞌalal jakal ayone ya awalik: “Ya stoy sba ta kꞌop”, xchaex.

San Juan 7:43

Jich te genteetike la xatꞌ sbaik ta skaj te Jesuse.

San Marcos 2:21

“Te pakꞌ te kꞌaꞌixe maꞌyuk machꞌa ya spakꞌan ta achꞌ pakꞌ, porke te achꞌ pakꞌe ya stsꞌuj. Jich ya xchꞌiꞌ xan te kꞌaꞌ pakꞌe, y ya xmukꞌub xan a te xchꞌiꞌemale.

San Mateo 9:16

“Te pakꞌ te kꞌaꞌixe maꞌyuk machꞌa ya spakꞌan ta achꞌ pak, porke te achꞌ pakꞌe ya stsꞌuj. Jich ya xchꞌiꞌ xan te kꞌaꞌ pakꞌe, y ya xmukꞌub xan a te xchꞌiꞌemale.

1 Timoteo 5:21

Ya kalbeyat mantal ta stojol te Diose y sok te Kajwaltik Jesucristoe y sok te angeletik te tsabil yuꞌune: Jich me xꞌapas sil tiempo. Pajal me ya achap ta spisilik.

2 Tesalonicenses 2:1

Te ora to, kermanotak, te tutꞌil ya xchaꞌtal te Kajwaltik Jesucristoe, y te jun nax ya stsobelotik ta skuentae, awokolikuk,

Gálatas 4:12

Kermanotak, awolilikuk jich xꞌapasik tutꞌil joꞌone, porke jich me ya jpas ekꞌa te tutꞌil jaꞌexe. Ma yuꞌunuk ay tut ma tsaꞌamuk apasojbonikix.

2 Corintios 6:1

Yuꞌun jich ayotik ta aꞌtel sok te Diose, ya kaltik ta atojolik: Ma me apꞌajik te slekil yoꞌtan Dios te ya yakꞌ ta akuentaik.

Romanos 15:30

Kermanotak, ya kalbeyex ta skuenta te Kajwaltik Jesucristoe y sok te slekil yoꞌtan te Espíritu te ya yaꞌbotike, awokolikuk kꞌoponbikon Dios ta jtojol.

San Juan 9:16

Ay chaꞌox tul fariseoetik te la yalbeyike: —Te machꞌa jich a spas to ma ta skuentauk Dios, porke ma xyakꞌ ta jkuenta te skꞌaalel kuxo-oꞌtane —xchiik. Pero te yane la yalik: —¿Tutꞌil ya xjuꞌ yuꞌun spasel te seña milagroetik teme jmulawile? —xchiik. Jich maꞌyuk akuerdo a kꞌot yuꞌunik.

Romanos 1:13

Ya jkꞌan ya anaꞌik, hermanoetik, te bayal buelta te kꞌan tal kilexe, pero asta ora to sil tiempo ay tut smakojon. Jaꞌ ya jkꞌan te ya xtalon ta tsobel te hermanoetik te ba ayexe, jich tutꞌil la yichꞌikix tsobel ta yanetik nasione.

1 Corintios 1:11

Ya kalbeyex to kermanotak, porke la yalbelonix te machꞌatik ay yuꞌun te jCloee te lijkem kꞌop awuꞌunike.

1 Corintios 3:3

yuꞌun skuentainejex to te atiꞌbalulile. Yuꞌun chikan te tutꞌ ayexe te ya to awilbey aba awoꞌtanik sok te ya ajapuy abaik ta kꞌope, sok te ya apitpit abaike. Yuꞌun sigue ya atamojik te tut skuenta atiꞌbalulike. Jich yipalex ta spasel te tut ya spas spisil te gente ta balmilale.

2 Corintios 13:9

Jaꞌ yuꞌun ben jun koꞌtantik te kꞌalal maꞌyuk jpuersatike, teme tulanex te jaꞌexe. Y sigue ya jkꞌopontik Dios yuꞌun te yauk xtojobex ta leke.

1 Pedro 5:10

Pero ta patil te ay awokolik cheꞌoxeb nax kꞌaale te jaꞌexe, Dios me ya yakꞌ xjuꞌ awuꞌunik ta lek. Ya me sjunutesbeyex awoꞌtanik sok ya me yaꞌbeyex yip awoꞌtanik sok jun awoꞌtanik. Ben bayal slekil yoꞌtan te Diose te la yikꞌotik yuꞌun ya kichꞌtik te slekilal sbajtel kꞌinal, te jun nax ayotik sok te Jesucristoe.

San Marcos 3:24

Jun pais, teme ya xatꞌ sbaike sok teme ya skontrain sbaike, ma xjalajik.