Yohanese 6:24 - Janji beluke

²⁴ Kena tamata bokala meru esi selu Yesuse pise Eni maka luluaru esi ete mere moneka, hoko esi sa soa buina meru kai esi keu lopai kota Kapernaume kena nikwa loko Yesuse.

Yohanese 6:24 Referans Kwoze

Yohanese 6:17

Eleki esi sa soa buini leke esi sai lopai kota Kapernaume. Kena mere kpetu peneka po Yesuse Iluake lokosi mosa.

Markuse 1:37

Eleki kena esi tetue Yesuse, esi beteke lokoI be, “Pusue tamata esi nikwa lokoMu.”

Yohanese 20:15

Yesuse Iombe, “Matabinane, arani le mula? Anikwa loko sire?” Maria inoake be tamata mere tamane esi upuije hoko iombe, “Ntuane, sepo ahetie auku Tuhane bei meije hoko abeteke ete au be atolaeNi etia leke au keu ranaI.”

Yohanese 7:11

Kena pesta mere tamata Yahudiaru esi elakaru esi nikwa lokoI. Esi beteke be, “Tamata mere Ietiare?”

Yohanese 6:59

Yesuse Ibeteke pusue meru me Kapernaume, kena Iatetuke me luma ibadare.

Yohanese 6:23

Po kena mere soa buini maketa ilaru luake bei kota Tiberiase kai utati me tehaike otoi rebe memane Yesuse ikotie trima kasi loko Alla le ro tiaru eleki iriluke ete tamata bokalaru esi kanele.

Lukase 8:40

Kena Yesuse Ileure, tamata bokala esi sapaI le esi tatikeNi.

Markuse 6:53

Kena esi ndi teba peneka, eleki esi tati me otoi Genesarete.

Matiuse 14:34

Eleki kena esi luake me tlaka tebaije, esi tati me otoi Genesarete.

Yohanese 6:26

Eleki Yesuse Iombe, “Imi nikwa loko Au le imi nati tanda herana rebe Au onolu ete imire mo, po imi nete batuke kane leke pila. Au beteke meije tinai.