Yohanese 1:42 - Janji beluke

⁴² Eleki Andrease iliku Simone loko Yesuse. Yesuse Ilimese Simone eleki Ibeteke lokoi be, “Ale Simone, Yohanese eni nanae, po namake esi kotie ale Kepase, kena sou Yunanire Petruse, natire be batu.”

Yohanese 1:42 Referans Kwoze

1 Korintuse 15:5

Kena Kristuse Ikwana suike, IaselukeNI ete Petruse, eleki ete Eni maka lulua sie butu esa lesini luaru.

1 Korintuse 3:22

Au, Apolose kai Petruse pine ami pusuma tapa imi leke keri imi loko misete. Kai nusa meije, pise imi hidupe kai matale, bei petu meije roma petu susuike pusue meru keri imi kena rue mise.

1 Korintuse 1:12

Esi beteke ete au be bei imire leini esi beteke be esi lulu Pauluse. Leini esi beteke be esi lulu Apolose. Leini lekwe esi beteke be esi lulu Petruse. Yo leini makete esi beteke be esi lulu Kristuse.

Galatia 2:9

Yakobuse, Petruse kai Yohanese rebe tamata esi beteke be esi ono elake ete jemate toine, esi naku be Alla Iulake au kena kerike makerike meije. Hoko esi kerike bala kai Au kai Barnabase kena tanda be amire ebe kai lomai. Leke Barnabase luama keu kerike ete tamata Yahudi more, yo esi kerike ete tamata Yahudiaru.

1 Korintuse 9:5

Sepo auku binasa hoko isupu seli ele mere lekwe. Imi noake yake be ami keri amiki binaru saisa mo kena ami kerike sakesa loko amiki makerike meije. Sakesa neka, Tuhane Yesuse kwaliNisi, Petruse kai maka ulaka maketaru esi keri kai esi binaru lekwe.

Matiuse 10:2

Tuhane Eni maka ulaka butu esa lesini lua meru: menaije Simone rebe Yesuse Ikotine Petruse kai kwalini Andrease, eleki Yakobuse kai kwalini Yohanese, luaise Sebedeuse eni nanae,

Lukase 5:8

Kena Simone Petruse iselu pusu meru hoko itatu me Yesuse oaIje kai ibeteke be, “Tuhane, Akeu beiku noma le au meije tamata dosa.”

Yohanese 21:2

Ete me laiului mere Simone Petruse, Tomase rebe kotine kwete ktebale, Natanela bei kota Kana me otoi Galilea, Sebedeuse eni nanaru kai Yesuse Eni maka lulua lua lekwe esi lupuke lomai ete mere.

Markuse 3:16

Eni maka ulaka sie butu esa lesini lua meru: Simone rebe Yesuse Ikotine Petruse,

Yohanese 13:18

Yesuse Ibeteke lekwe be, “Namake ile sae me ilulu saisa rebe Au betekele mo hoko namake Tuhane Iono laleije ndina mo. Au bitike imi kena lulu Au hoko Au rekwa lalemi titinai. Imi lene mimise! Bei imire namake ile sae me iono lulu Alla Eni lepate rebe lekire esi lepate matai ebeteke be, ‘Sire pine ikane kai Au kena otoi esa, namake ihali mulini kena ikeu beiKu.’

Lukase 6:14

Simone rebe Yesuse Ikotine Petruse, kwalini Andrease, Yakobuse, Yohanese, Pilipuse, Bartolomeuse,

Galatia 1:18

Eleki musuna telu bei mere, au keu lopai kota Yerusaleme kena tetue Petruse. Au rue kaini batuke petua butu esa lesini lima.

Galatia 2:11

Kena Petruse iluake me Antiokiare, au sibai le iono sala.

Yohanese 4:16

Yesuse Iombe, “Keu koti amu mokwai ilomei.”