Tatike pine Uonore 19:4 - Janji beluke

⁴ Kai elaka sie butu lua lesini ata meru kai binatana ata meru tatu kai holmate Alla rebe Irue kena otoi maka ruere kai esi beteke be, “Amine! Mai ite isike Alla.”

Tatike pine Uonore 19:4 Referans Kwoze

Tatike pine Uonore 5:14

Eleki tanei kwanala ata meru beteke be, “Mere tinai.” Kai elaka meru esi tatu eleki esi nobo loko Domba Anaije kai Alla.

Tatike pine Uonore 19:1

Eleki au lene na elake ndete surga saka tamata bokala esi kloloe be, “Isike Alla. Iteki Allare rebe Ihlamate ite. Ile rebe Ikbasa kai Ihita titinai.

Tatike pine Uonore 15:7

Eleki sae bei tanei kwanala ata meru eriluke oba masa buai esa papelake malekata itu meru. Oba mere epenu kena hukumana le Alla Inasu. Mere Alla rebe Ime eti pelare.

1 Korintuse 14:16

Le batuke tamata rebe esi nati saisa rebe imi beteke kena imi isike Tuhane pine esi beteke “tinai” (amine).

Matiuse 28:20

Kai atetukesi leke esi lulu pusue rebe Au atetekelu ete imi pende. Kai imi lene: Au me kai imi eti pela.”

Matiuse 6:13

Kai kena ro tiaru esi elake eteheke amire, Asebeie ami hlaleke ktili loko Ale mo yake, po tie ami bei ro tiaru esi elake esi kbasare leke ami ono dosa yake. [Le Ale Kamale rebe Akbasa kai hita titinai eti pela. Amine.]’

Tatike pine Uonore 19:3

Kai sie bokala ndete surgare esi kloloe suike be, “Isike Alla! Ite isike Tuhane suike! Auwe rebe Tuhane Iono ekotu kota elake mere kai auwe kweine bei kota mere eti pelare sirike moneka.”

Tatike pine Uonore 19:6

Eleki au lene tamata bokala naisi lupe kwele elake etetu lapate esi tuleije kai lupe kla elake esi tuleije be, ‘Isike Alla! Le iteki Allare, Eni Kbasa ela titinai kai Ipleta pusue tamata.