Tatike pine Uonore 1:6 - Janji beluke

⁶ Kai Ilupuke ite kena bangsa esa. Ibitike ite kena imame rebe layani Alla, Yesuse AmaIje. Mai ite IsikeNi le Ikbasa eti pela. Amine.

Tatike pine Uonore 1:6 Referans Kwoze

Tatike pine Uonore 5:10

Alupukesi kena bangsa toini esa kai bitikesi kena imame kena layani iteki Alla kai riluke kbasa etesi kena esi pletae nusa meije.”

Tatike pine Uonore 20:6

Sie rebe esi kwana suike kena rebai menaije esi supu misete. Esi ono Alla Eni tamata. Esi mata rebai lua moneka. Mata rebai luare supu poie kena auwe saelae meite. Esi ono imama ete Alla kai imama ete Kristuse. Kai esi pleta sakesa kaiNi musuna usate esa.

Roma 11:36

Alla pine Itolae pusue yelu meiju. Pusulu bei Alla kai ete Alla. Isike Alla eti pela! Amine.

Tatike pine Uonore 4:11

“Tuhane Ale amiki Alla, Asupu kbasa kena supu isike kai holmate. Tuhane Amu kbasa, le Atolae pusue yelu, kai lulu Amu sukare pine pusue yelu utola eleki ume.”

2 Petruse 3:18

Hoko suke imi hidupe nkena leke iteki Tuhane Yesuse Kristuse rebe Iono Maka Hlamate, bei petu kena petu Iono misete ete imi rame. Namake imi atula leke imi rekwaI mimise. Mai ite isikeNi bei petu meije eti pela. Amine. Amiki hlamate, Petruse

1 Petruse 4:11

Sie rebe isupu kbasa kena lepae Alla Eni lepataru ete tamata makete, isuka kena beteke saisare suke lulu Alla Eni lepataru rame. Kai sire rebe isupu kbasa kena tapa tamata rebe hlaleke loko Tuhane, suke ipake kbasa rebe Alla Irilukele mere kena tapa tamata makete. Ono ele mere namake tamata esi isike Tuhane le esi selu imi makerike. Alla Isupu isike baue Yesuse Kristuse, kai Ile ruaI rebe Ikbasare, Isupu isike eti pela. Amine.

Ibrani 13:21

leke Iriluke pusue misete rebe imi perlue kena ono saisa rebe Isukare. Kai au kotie leke Alla Ikerike mei ite lalema baue Yesuse Kristuse leke ite ono saisa rebe eono laleIje ndinare. Mai ite isikeNi eti pela! Amine.

Pilipi 2:11

Kai namake pusue naku be Yesuse Kristuse mere Tuhane. Naku ele mere, hoko mere be pusue holmate Alla Amate.

Roma 15:6

leke lalemi esa kena isike Alla, Tuhane Yesuse Kristuse AmaIje.

Yohanese 5:23

AmaKu Iono ele mere leke pusue tamata esi holmate Au lupe esi holmate AmaKue neka. Sire pine iholmate Au mo, hoko iholmate AmaKu mo lekwe, rebe Iulake Au lomei nusa meije.

Matiuse 6:13

Kai kena ro tiaru esi elake eteheke amire, Asebeie ami hlaleke ktili loko Ale mo yake, po tie ami bei ro tiaru esi elake esi kbasare leke ami ono dosa yake. [Le Ale Kamale rebe Akbasa kai hita titinai eti pela. Amine.]’

1 Timotiuse 6:16

Batuke ruaI pine imata mo. Irue kena hitate rebe tamata sae itehaikele mo. Kai tamata sae iseluI mosa. Au hlaleke be pususi holmateI eti pela. Au hlaleke Eni kbasare ela eti pela. Amine.

1 Petruse 5:11

Ile pine Iplete eti pela! Amine.

Tatike pine Uonore 1:9

Kwali betaya pusumi, au Yohanese. Ite pusumare esa kena hlaleke loko Yesuse Kristuse eti ite supu susate po ite tahane lale neka. Itere, Alla Ikbasae ite saka kamale. Kai ite lalema ktili kena namake Yesuse. Au supu hetie mei nusa Patmose le Au lepae Alla Eni lepata rebe Yesuse Ibetekelu ete aure.