Pilipi 1:23 - Janji beluke

²³ Mere saka au supu neha bei otoi lua. Au kotie be sebeie au mata leke keu rue kai Kristuse, le mere mise titinai.

Pilipi 1:23 Referans Kwoze

2 Korintuse 5:8

Hoko masike ami supu susate po ami lalemaru ktili. Ami suka lesi kena mata leke ami supu rue kai Tuhane neka.

Tatike pine Uonore 14:13

Eleki au lene lepate bei ndete surga be, “Leki meije be bei petu meije tamata rebe esi mata le esi hlaleke loko Tuhane esi supu misete elake peneka.” Eleki Alla Eni Rore Ibeteke be, “Tinai! Esi hleke bei susate kena esi kerike ete Tuhane le esi supu misete lulu esi makerike.”

Maka Ulakaru 7:59

Kena erisi raba Stepanuse sa, ikotie loko Yesuse be, “Tuhane Yesuse, rana auku nasite.”

Lukase 23:43

Yesuse Ibeteke lokoi be, “Ahlaleke lokoKu! Petu meije arue kai Au ndete surga.”

2 Timotiuse 4:6

Le au riluke auku nanakwalaku leke au mata neka lulu Alla Eni sukare.

Yohanese 17:24

AmaKu, Au kotie bei Ale leke sie rebe Arilukesi ete Aure esi me kena lakwakue neka leke esi selu Auku kbasa hita titinai rebe Ama Arilukele ete Aure le Ama Aoki Au bei kena nusa meije tola mosa.

Yohanese 12:26

Sire pine ikerike me Auku ndinure namake ilulu Au leke isakesa kai Au kena otoi esa. Kai Amaku Iono isupu holmate lekwe.

Yohanese 14:3

Sepo Au aknekae imi otoije peneka, pine Au leu kena rana imi leke ite keu loko otoi mere leke otoi rebe Au rue kenare ete mere lekwe imi me.

Lukase 12:50

Takwali moneka Au supu susate elake sa. Susate mere uono kena Au mosare, kaplaleKu titinai.

1 Tesalonika 2:13

Kai makete lekwe rebe eono ami kotie trima kasi ete Alla rame le ami lepae Alla Eni lepataru ete imire, imi lene lokolu. Imi noake be mere lepata bei tamata mo po mere lepata bei Alla titinai. Alla Ipake lepata meru leke uono imi atate mise. Imire rebe hlaleke lokoIje.

Yohanese 13:1

Eleki ele bobanure pesta tamata Yahudiaru esi nete suike loko Alla Isirie esi ntuana menaru bei Mesire hoko Yesuse Irekwa peneka be Ileu bei nusa meije loko Amaije, esi petuaru mere peneka. Yesuse Ioki Eni tamataya mei nusa meije, kai meije esi petua kena Iaseluke be Iokisi titinai.

Lukase 8:38

Po kena Yesuse Ikeu mosare, tamata rebe imise pende, ikotie bei Yesuse be, “Yesuse, au suka keu kaiMu bei petu meije neka.” Po Yesuse Ibeteke lokoi be,

1 Tesalonika 2:1

Kwali betaya imi, imi ruami rekwa be ami luake loko imire kai rue kai imire leke ami lepae Sou Misete ete imire supu hasile.

2 Korintuse 6:12

Ami ono loko imire lupe ami oki imire po imi ono loko amire lupe imi oki ami mo.

Pilipi 1:24

Po bei pentine ete imi hoko mise lesire auru rue mei nusa meije sa.