Matiuse 7:2 - Janji beluke

² Le namake Alla Ileuke sala ete imire, sakesa kai imi Ileuke sala ete tamata makete neka. Kai saisa rebe imi onoe kena leuke sala ete tamata makete, Alla Ionoe ete imi leneka.

Matiuse 7:2 Referans Kwoze

Yakobuse 2:13

Ele mere le namake kena Alla Iteu pakala kena tamatare, imia rebe imi oki tamata makete more, Alla Ioki imi mo. Po imia rebe imi oki tamata makete, Alla Ioki imi hoko Inete loko imi neunaru moneka.

Markuse 4:24

Eleki Yesuse Ilepa rame be, “Imi lene mimise, le meije imi ukure tamata makete po tatike pine tamata makete esi ukure imi lekwe.

Lukase 6:38

Imi riluke sasaisa ete tamata makete neka leke Alla lekwe Iriluke ete imire lesi leneka. Imi supu riluke boka rebe cupae penu bubui kai erene titinai le cupa rebe imi pakele ete tamata makete Alla Ipakele ete imi lekwe.”

Tatike pine Uonore 18:6

Au ulake malekate keu atia Babele mere saka tamata Babelaru esi onoe ete Auku tamata rebe esi hlaleke loko Aure. Saisa rebe tamata babelaru esi onore au leliele etesi ktili lesi bei saisa rebe esi onore. Babelaru esi hukumane meije saka oba rebe penu kena sasune rebe rilukele ete tamata Babelaru leke esi kinue, esi ktiline rebai lua bei tamata Babelaru esi rilukele ete tamata makete esi kinure.

2 Korintuse 9:6

Imi nete mimise! Mere sakesa kai tamata rebe iandinure. Sepo imulae bibite boka mo, namake iulure lekwe boka more neka. Po tamata rebe imulae bibite bokare, namake iulure lekwe bokare neka.

Matiuse 6:14

Sepo imi ampune tamata rebe iono sala ete imire, hoko imi Ama ndete surgare lekwe Iampune imi salare.