Matiuse 27:44 - Janji beluke

⁴⁴ Kai tamata neuna lua meru lekwe esi lepae tiae lokoI ele mere lekwe.

Matiuse 27:44 Referans Kwoze

Markuse 15:32

Ale Alla IulakeMu kena hlamate tamata, Kamale Israele, Arulu bei ai tutine mere leke ami hlaleke lokoMu.” Tamata ndeana lua meru lekwe esi lepa tiae lokoIje neka.

Matiuse 27:38

Kena mere lekwe esi paku tamata neuna lua ahlake ai batai sakesa kai Yesuse neka. Sae sapleuke makwanale kai sae sapleuke mapale.

Roma 15:3

Le Kristuse lekwe Inoake ruaI mo. Kena Alla Eni lepate rebe lekire Yesuse Ibeteke loko Alla be: “Pusue lepata tiae ete Alere etetu kena Au.”

Yakobuse 1:5

Po sepo sae bei ite pine kena isupu susate irekwa mo be iono saisa, hoko suke ikotie loko Tuhane leke Iono irekwa mise titinai. Le Tuhane Imaktekwa hoko Isuka tapa tamata sae neka kena lale ndinate.