Matiuse 27:15 - Janji beluke

¹⁵ Kena petu tamata Yahudiaru esi kane roti rebe pake ragi more, piasare gubernure isebeisi sirie tamata esa bei buije leke hukumeni moneka.

Matiuse 27:15 Referans Kwoze

Maka Ulakaru 25:9

Po Pestuse isuka rana tamata Yahudiaru lalesi hoko itneu Pauluse be, “Asuka kena akeu lopai kota Yerusaleme leke au teu pakala kena esi tutuke ale meije ete mpaije o?”

Maka Ulakaru 24:27

Kena pusue musuna lua eleki Perkiuse Pestuse iseli Pelikse kena ono gubernure. Pelikse itie Pauluse mo, leke iono tamata Yahudiaru laleisu ndina.

Lukase 23:16

Ele mere hoko au tetaI eleki au tieI. [

Matiuse 26:5

Eleki esi beteke be, “Kena pesta elake mere kerike Yesuse yake le tamata me esi sukaI hoko esi nasuke ite kai esi hohae petu mere.”

Matiuse 27:16

Kena mere tamata sae me bui rebe ineu titinai eni nane Yesuse Barabase.

Lukase 23:17

Le piasare kena Yahudiaru esi petu pestare, itie tamata esa bei buije etesi.]

Lukase 23:18

Eleki kena mere me buije tamata sae eni nane Barabase, isupu kusu bui le ile kai eni tamata toinu esi hohae pemerinta kai bunu tamata. Pilatuse isuka sirie Yesuse po tamata esi suka sirieNi bei buije mo. Esi kloloe sakesa be, “BunuI! Sirie Barabase ete ami!”

Yohanese 18:16

Eleyo Petruse ikele me muli, me pagare esi meture. Eleki Yesuse Eni maka lulua rebe impe lale kai Yesuse mere isiri ilepa kai bina maka raka meture leke kusue Petruse lopai lale.