Matiuse 21:9 - Janji beluke

⁹ Eleki tamata bokala rebe esi akmena kai rebe esi pamuli bei Yesuse pususi kloloe be, “Yesuse! Kamale Dauta eni Anubu, ami isikeMu. Alla, Ariluke misete ete Ile rebe Iluake, Eni nane Tuhane. Alla rebe Aela titinai, ami isikeMu.”

Matiuse 21:9 Referans Kwoze

Lukase 2:14

“Ami isike Tuhane Elake ndete surga! Tamata rebe iono Tuhane laleIje ndinare, isupu rue mise kai Tuhane.”

Matiuse 23:39

Nete! Au beteke ete imi be bei meije imi selu suike Au mo roma petu kena imi beteke be: ‘Alla Iriluke misete ete Ile rebe Iluake kena Eni Nane rebe esi kbasare ela titinaije!”’

Matiuse 21:15

Po kena imama elakaru kai kuru Torataru esi selu Yesuse Iaseluke tanda herane rebe misete kai kwetelaru esi kloloe mpai Tuhane Eni Luma laleije be, “Isike Yesuse, Dauta eni anubu!” hoko lalesi tiake Yesuse titinai.

Matiuse 9:27

Eleki Yesuse kai Eni maka luluaru esi keu rame, kai kena Ime lalane tlai, tamata mata polala lua esi keu luluI kai esi koti lokoI be, “Ntuane, Dauta eni anubu, laleuMe noa ami noma!”

Matiuse 21:10

Kena Yesuse Ikusu kota Yerusaleme, tamata bokala me kotare hkutukesi kai esi beteke be, “Tamata meije sire?”

Lukase 13:35

Bei mere hoko Alla Iraka imi kotare moneka kai kotare supu atiae. Nete! Bei petu meije roma petu Au luake suike, imi selu Au moneka. Kena petu Au luake imi beteke be, ‘Isike Ile rebe Iluake Eni nane Tuhane!’ ”