37 Eleki Yesuse Ikloloe ela eleki Imata ne.
Kena Yesuse Ihmoso anggure maklinute mere eleki Iombe, “Auku makerike pela pene!” Eleki Inobo lope kai teu Eni nasite ne.
Eleki Yesuse Ikloloe loko AmaI be, “Amate, Au riluke Auku nasite eteMu.” Eleki kena Ilepa pelare teu Eni nasite sosoli ne.
Eleki Yesuse Ibiuwe ela suike eleki teu Eni nasite ne.
Eleki tamata sae ibala kai ilutu kapuse kena anggure makalinute eleki iriluke kena ai buai loko Yesuse leke Imosoe. Tamata mere ibeteke be, “SebeI ruaI, ite raka be Elia iluake leke ihlamateNi pibe mo.”
Kena Yesuse Imei nusa meije sa, Ikotie loko Allare Irani kai Ikloloe lokoI, le Irekwa be Alla Ikbasa kena ono Ihlamate bei matale. Kai bei Ilene loko Alla kai IholmateI titinai, hoko Alla Ilene Ikotie lokoIje.
