Markuse 15:19 - Janji beluke

¹⁹ Esi teta Yesuse ulu buaije kena ai buai rebai bokala lekwe eleki esi toeNi. Esi tatu lope tapele lupe esi aseluke be esi holmateI.

Markuse 15:19 Referans Kwoze

Markuse 14:65

Tamata lua pise telu esi toeNi kai esi obi oalaleIje eleki esi blukuI kai esi beteke lokoI be, “Abeteke be sire ibluku oalaleuMe?” Eleki tamata rebe esi rakaIje esi papakeNi.

Ibrani 13:13

Ele mere hoko kwali betaya, saka esi keri Yesuse siri bei kotare kena esi sobuIne, hoko ite lekwe suke hleke bei iteki maka hlaleke makete, kai masike sae isobue ite po ite lulu Yesuse rame neka.

Pilipi 2:10

Leke pusue rebe ndete surga kai rebe umei nusa meije kai rebe umpe tapele lebuije tatu kai holmate Yesuse.

Roma 11:4

Alla Iralake Elia be: “Au aknekae sie usata itu eteKu peneka. Esi tatu loko Baale mosa.”

Lukase 23:36

Kai solaluaru lekwe esi lepa tiae ete Yesuse neka. Esi riluke anggure maklinute eteI.

Lukase 23:11

Eleki Herodese kai eni solaluaru esi malie Yesuse kai esi sobueNi eti esi alike pakiane misete kenaI lupe kamale ipakele. Eleki esi leukeNi suike loko Pilatuse.

Lukase 22:63

Eleki tamata rebe esi raka Yesuse esi toaeNi kai esi tetaI.

Markuse 10:34

Eleki esi aboroe Au, esi toe Au, esi bluku Au rebai bokala eleki esi bunu Au. Po ele petu luare Au kwana suike.”

Markuse 9:12

Eleki Ibeteke be, “Tinai, Elia iluake akmena leke iono pusue yelu mise. Po ete Tamata Eni Nanare eono eliare? Le mula pine me Alla Eni Lepata rebe lekire ebeteke be namake Isupu susate elake kai tamata esi lepae tiae lokoIje?”

Matiuse 27:30

Esi toeNi kai esi rana toane buai mere eleki esi teta ulu buaIje kenae.

Markuse 15:18

Eleki esi holmateI kai esi beteke be, “Hlamate, kamale Yahudi!”

Markuse 15:20

Esi toaeNi pela eleki esi buka lapu nanuke mahmelane beiNi eleki esi ono Ialike suike Eni lapune, eleki esi ulake pakuI ahlake ai bataije leke Imata.