Markuse 1:2 - Janji beluke

^2-3 Kena akmenare Nabi Yesaya ileki me eni bukure elere: “Alla Ibeteke loko Eni Nanare be, ‘Au ulake tamata sae kena Akeu mosare leke iaknekae lalane eteMu. Eleki tamata mere ibeteke loko tamata bokala me otoi nsekile be, ‘Imi aknekae lalemi leke hlaleke loko Alla.’ ”

Markuse 1:2 Referans Kwoze

Lukase 1:76

Po auku anae Yohanese ale, tamata esi kotie ale nabi bei Alla elake titinai, le akeu akmena bei Tuhane kena aknekae lalane eteI,

Matiuse 11:10

Bei akmena sa Alla Eni lepate rebe lekire ebeteke Yohanese eni makerike elere: ‘Lene, ile meije rebe Au ulakeni. Au ulakeni akmena bei Ale, leke iaknekae lalane eteMu.’ ”

Lukase 1:70

Lulu Eni lepata bei akmena sa rebe Eni nabiaru esi betekeule,

Matiuse 26:31

Eleki Yesuse Ibeteke loko Eni maka luluaru be, “Kpetu meije neka, imi pusumi naya bei Au le tamata neunaru esi ono tiae ete Aure. Le Alla Eni lepate rebe nabire ilekire ebeteke be, ‘Au bunu maka raka dombare hoko eni dombaru unaya bei lomai.’

Lukase 18:31

Eleki Yesuse Ikoti Eni maka lulua butu esa lesini luaru eleki Ibeteke lokosi be, “Meije ite keu lolete Yerusaleme hoko saisa rebe nabiaru esi lekie kena Au, Tamata Eni Nanare uono tinai neka.

Matiuse 26:24

Alla Eni lepate rebe lekire ebeteke be, ‘Tamata Eni Nanae Isupu susate hoko Imata sa.’ Po tamata rebe Iriluke Au, Tamata Eni Nanae loko tamata rebe esi bunu Aure, isupu susate ela titinai. Hoko mise lesi tamata mere inai ruelei yanoma.”

Matiuse 2:5

Eleki esi beteke lokoi be, “Ndi kota Betleheme, mei tape Yudea. Le lulu nabi sae ileki be: