Lukase 23:44 - Janji beluke

⁴⁴ Eleki kena olasa butu esa lesini lua hkwatare, pusue nusare kpetu hoko kpetu roma olasa telu kmau,

Lukase 23:44 Referans Kwoze

Matiuse 27:45

Kena olasa butu esa lesini lua hkwatare, otoi mere mele pusue eti roma olasa telu kmau.

Maka Ulakaru 2:20

Kena petu elake kai misete rebe Tuhane Ipleta tamatare eono mosare, lemataije mele titinai kai bulane elala saka lalakwe.

Matiuse 27:52

Batua rebe uobi lutike tamata matalaru esi liana benaiju esi meture ukloli kai tamata matala bokala rebe esi hlaleke loko Allare esi kwana suike.

Yohanese 19:14

Kena mere lau mo olase butu esa lesini lua hkwatare reneka. Ele bobanure petu plei rebe panuhuke pesta tamata Yahudiaru esi nete suike loko Alla Isirie esi ntuana menaru bei Mesire. Eleki Pilatuse ibeteke loko tamata Yahudiaru be, “Imi Kamale Imeije!”

Markuse 15:39

Solalu utune esa esi elake sae ikele balale Yesuse, hoko ilene Yesuse Ibiuwe kai iselu Yesuse Imatare. Eleki ibeteke be, “Titinai, tamata meije Alla Eni Nanae!”