Lukase 23:40 - Janji beluke

⁴⁰ Po ile saere ilakeni be, “Suke rilamu le Alla le ale tamata ktolone, asupu hukumane sakesa kaiNi.

Lukase 23:40 Referans Kwoze

Tatike pine Uonore 15:4

Tuhane, sire rilai le Ale mo kai iisike Amu nane more? Le batuke Ale pine Amise titinai le Amu dosa sae mo, Le pusue bangsa esi luake kai esi tatu kai holmate Ale. Le saisa rebe Ateure enkena.”

Epsuse 5:11

Imi lulu saisa rebe tamata rebe esi rue me melene esi onore yake, le saisa rebe misete, kena melene sae mo. Mise lesi ite beteke be pusue esi onore tiae.

Lukase 12:5

Meije au beteke Ile rebe suke imi rilami leIje. Suke imi rilami le Alla, le Ile pine Ihukume imi. Ikbasa kena Ibunu tamata kai Ikbasa kena Ipoie imi me otoi susate titinai rebe aure kliti eti pela. Imi nete mimise! Ile mere pine suke rilami leI.

Tatike pine Uonore 16:11

Kai esi lepa tiae loko Alla ndete lanite le kera kuate kai esi usiaru po esi hleke bei esi ono neunaru mo.

Matiuse 8:26

Ibetu, Iombe, “Imi rilami le mula! Imi hlaleke loko Au ktili mo!” Yesuse Ikele, Ibeteke be, “Sanute, tlaka ndene.” Eleki kohu elake kai sanute ndene sosoli.

Lukase 23:39

Ile sae bei tamata ktolona lua rebe pakusi kena ai batai sakesa kai Yesuse isobue Yesuse be, “Ale Maka Hlamate moyo. Aono Ahlamate kai ami lekwe.”

Lukase 23:41

Luai supu hukumane meije lulu luaiki dosare, po Yesuse Iono dosa sasaisa mo.”

Matiuse 20:9

Eleki sie rebe esi kerike bei olasa lima kmaure esi luake kai selisi kena kepe perake matai esa papelakesi.