Lukase 21:25 - Janji beluke

²⁵ “Kai tatike pine ndete lanite lematai, bulane kai kmalearu selu tebikelu eti tamata rilasi le saisa rebe eono mere. Pusue nusa rilasi titinai le kohua elakaru esi tulei ela titinai.

Lukase 21:25 Referans Kwoze

Tatike pine Uonore 20:11

Eleki au selu otoi maka rue kena pleta rebe putile elake kai Ile rebe Irue kenare. Lanite kai nusare sirikele bei oaIje le atia pusulu peneka.

Maka Ulakaru 2:19

Au ono tanda herane ndete lanite kai mei nusa, Au ono lalakwe kai auwe kai auwe kweini.

Markuse 13:26

Kena petua meru tamata esi selu Au, Tamata Eni Nanae, Iluake suike loko imi kena moputi kena kbasare ktili lakwai esa kai hita lakwai esa.

Markuse 13:24

Po petua susate meru pela mina pine yelu uono elere: lematai, bulane, kmalea selu tebike bei petu maketaru. Hoko lemataije kpetu lakwai esa, bulane ehita moneka kai kmalearu utetu.

Matiuse 24:29

“Petu susata meru pela peneka pine yelu uono sosoli ele meije: Lematai, bulane, kmalea selu tebikelu bei petu maketaru. Hoko lemataije emele lakwai esa, bulane hita moneka kai kmalearu tetu. Kai pusue rebe kbasa ndete lanite hoha titinai.

Markuse 15:33

Kena olasa butu esa lesini lua kwatare, pusue nusare kpetu roma olasa telu kmau.

Matiuse 27:45

Kena olasa butu esa lesini lua hkwatare, otoi mere mele pusue eti roma olasa telu kmau.

Lukase 21:24

Kai tamata leini esi supu bunu kena sari kai leini esi supu keri me pusue nusa tamata Yahudi more. Kai tamata Yahudi more esi pletae Yerusaleme kena ktiline eti roma petu rebe Tuhane Alla Iteure.”

Lukase 21:26

Eleki tamata rilasi titinai eti esi koli kai kleaesi kena esi selu yelu rebe uono kena nusa meije, le kbasa rebe undete lanite unisu.