Lukase 1:79 - Janji beluke

⁷⁹ Tuhane Iluake kena Ihita tamata rebe esi rue me otoi melene, rebe rilasi le matale. Ikeri ite loko lalane rebe tiluke ite kena rue mise kai Alla.”

Lukase 1:79 Referans Kwoze

Matiuse 4:16

imi rebe rue kena otoi melene kai imi hlaleke loko Alla mosa. Imi selu hitate elake titinai kai hitate elake mere hita leke imi supu hlamate bei Alla.”

Maka Ulakaru 26:18

leke aono esi nati Auku hnaunaru saka abuka matasi leke esi selu. Au ulake ale kena aatetukesi leke ro tiare ekbasaesi yake, po Alla Ikbasaesi saka esi siri bei otoi melene loko otoi hitate. Ele mere hoko Alla Inete loko esi dosaru moneka hoko kena Ipleta tamatare esi rue sakesa kai sie rebe esi hlaleke loko Yesuse.’

Epsuse 5:8

Imi ono ele mere yake le akmenare imi rekwa Alla Eni nkenale mo saka imi rue kena melene sa, po meije imi rekwa Alla Eni nkenale peneka saka imi rue kena hitate peneka. Hoko suke imi ono yelu rebe nkenalaru rame.

Yohanese 12:46

Au luake lomei nusa kena keri hitate leke pusue tamata rebe esi hlaleke loko aure esi rue kena melene yake.

Yohanese 8:12

Yesuse Ibeteke loko tamata bokala be, “Aure saka hitate ete nusa meije. Sire pine ilulu Au hoko irue kena melene moneka po irue kena hitate rebe eono tamata esi supu rue kai Alla eti pelare.”

Yohanese 9:5

Kena Au Aru mei nusa meije sa hoko au ono hitate ete nusa meije.”

Yohanese 1:9

Le Hitate tinai rebe Ihita pusue tamatare, Iluake lomei nusa.

Lukase 2:32

Ile meije pine saka lampu hitai ete tamata Yahudi more leke esi hlaleke lokoI. Kai bei saisa rebe Ionore, ami, Amu tamata Israela meiju ami supu holmate.”

Roma 3:17

Lalane rebe eono esi mise suike kai lomaije esi lulu mo.

Maka Ulakaru 10:36

Alla Eni lepata rebe Iulake kena betekele ete ite tamata Israele, meru Sou Misete kena Yesuse Kristuse rebe eono ite lalemaru mise kai Alla kai rue mise kai Alla. Yesuse meije Tuhane ete pusue tamata. Tamata Yahudi kai tamata Yahudi more.