Lukase 1:58 - Janji beluke

⁵⁸ Eleki kena tamata me eni luma leini keholi kai eni luma toini esi lene be Tuhane Iono misete ete Elisabete peneka, hoko lalesi ndina sakesa kaini.

Lukase 1:58 Referans Kwoze

Roma 12:15

Sie rebe lalesi ndinare, lalemi ndina kaisi kai sie rebe esi ranire imi rani kaisi.

Lukase 1:25

Kai ibeteke be, “Tuhane Iono lalekue ndina le au keu blublulu peneka hoko me tamata oaisu au asomi moneka.”

Lukase 1:14

Kena rueleije laleume ndina titinai kai tamata bokala lalesi ndina lekwe.

1 Korintuse 12:26

Sepo otoi sae eblake kera hoko pusulu blake kera kai sepo otoi sae supu isike hoko pusulu lale ndina.

Lukase 1:57

Eleki petu kena Elisabete iruele eni nanare peneka, hoko iruele eni nanae mokwai.

Lukase 14:12

Kai Yesuse Ibeteke loko tamata rebe ikoti Yesuse be, “Sepo aaknekae manane kena kane hkwata pise kpetu, hoko akoti amu ebearu yake, pise betamu pise kwalimu yake, pise amu luma toini maketa yake, pise tamata me amu luma leini keholi yake rebe esi taneiaru bokare. Le tatike pine esi koti suike ale kena kane sakesa kaisi leneka. Ele mere hoko asupu suike saisa rebe aonore.