Ibrani 1:9 - Janji beluke

⁹ Asuka rebe nkenale titinai, kai lalemu tiake rebe tiare. Bei mere hoko Amu Alla Ibitike Ale kai Iono Asupu holmate bei tamata, kai lalesi ndina le Alere elesi bei Amu ebearu.”

Ibrani 1:9 Referans Kwoze

Galatia 5:22

Eleyo sie rebe Ro Misete Ikbasaise esi oki lomai, lalesi ndina, esi rue mise kai lomai, esi tahane lale, esi suka tapa tamata makete, esi ono misete ete lomai, esi lene loko pleta rame,

Roma 15:13

Kwali betaya, Allare iteki maka hlaleke titinai, hoko au kotie beiNi leke Iono imi rebe hlaleke rame lokoIje lalemi ndina rame kai lalemi ndene kena namake Alla Eni Rore kbasae lalemi, leke imi maka hlaleke loko Allare etapa ktili rame.

Lukase 4:18

“Tuhane Eni Rore Imei kaiKu le Ibitike Au kena lepae Sou Misete ete tamata susate; kai Iulake Au beteke ete tamata rebe esi supu kerike, be esi supu tie peneka, kai Au ono tamata matapolalaru esi supu selu, tamata rebe esi supu uma kai supu susate bei tamata makete au ono esi supu susate moneka,

1 Yohanese 1:3

Saisa rebe ami selu kai ami lene pende, mere pine ami betekele ete imire leke imi lulu ami, eleki ite pusuma esa kai Amate kai Eni Nanare, Yesuse Kristuse.

1 Petruse 1:3

Kwali betaya, mai ite pusuma isike Alla. Ile, iteki Tuhane Yesuse Kristuse Eni Amai, kai Yesuse Kristuse lekwe Itatu lokoI. Ite isikeNi le laleIje noa ite titinai hoko Iono ite supu hidupe beluke le Iono Yesuse Kristuse Ikwana suike. Alla Iono misete mere eono ite hlaleke ktili. Iteki hidupe batuke hlalekeNi le namake Iono ite supu rue kai Alla eti pela. Rue kai Alla eti pela mere saka tanei rebe Alla Iaknekaele ete ite ndete surga peneka. Kai eono saka tanei rebe atia mo, pulue mo pise esi mataije sirikele mo.

Ibrani 7:26

Hoko Yesuse mere pine Imame Elake Lakwai esa rebe ite perluI titinai. Imise titinai le Eni dosa sae mo, Iono sala kai dosa kwale mo. Masike Ile tamata lekwe po Eni dosa sae saka tamata piasare mo. Alla Iono Ibiti lolete otoi nanuke titinai peneka, lesi bei pusue rebe undete lanite.

Pilipi 2:9

Mere eono Alla IbitikeNi nanu titinai, kai Iriluke kbasa elake titinai eteI lesi bei kbasa maketaru.

Epsuse 1:3

Ite isike Alla. Ile, iteki Tuhane Yesuse Kristuse AmaI! Iriluke pusue miseta ndete surgare ete ite, le ite esa kai Kristuse.

1 Korintuse 1:9

Namake Alla Iono imi ktili le rebe Italuke Inete loko rame. Alla mere pine Ikoti ite kena ite esa kai Eni Nanae Yesuse Kristuse, Iteki Tuhane.

Yohanese 20:17

Po Yesuse Iombe, “Matabinane, kerike Au yake le Au keu loko AmaKu mosa! Akeu loko kwaliKusi beteke etesi be Au keu loko AmaKue reneka. Kai Ile imi Ama lekwe, Auku Alla kai imi Alla lekwe.”

Yohanese 1:41

Eleki Andrease ialena kai Yesuse pela eleki ikeu loko kwalini Simone eleki ibeteke be “Kwali, ami tetue Ile rebe Alla IulakeNi kena hlamate tamatare peneka.” Mere kena sou Ibranire Mesiase yo sou Yunanire Kristuse.

Tatike pine Uonore 2:15

Kai leini bei imi lekwe esi lulu Nikolause eni maka luluaru esi hnaune.

2 Korintuse 11:31

Allare, Tuhane Yesuse AmaI kai Irekwa be au lemake mo. Kai Ile, Tuhane rebe tamata esi isikeNi eti pela!

Roma 12:9

Oki lomai kena lale misete. Maka noake tiare kai atate tiare hlekele kai ono loko rebe misete.

Maka Ulakaru 10:38

Mere Yesuse bei Nasarete Alla IbitikeNi kai Iriluke Ro Misete eteI kai kbasa eteI peneka. Yesuse Ikeu keholi kena otoi etia neka kena Iono tamata makerake esi mise kai Iono tamata rebe ro tiaere ekbasaesi esi mise, le Alla IrakaI.

Maka Ulakaru 4:27

Tuhane Amu lepata meru uono peneka le Herodese kai Pontiuse Pilatuse esi lupu kai tamata makete rebe tamata Yahudi more kai tamata Israele mei kota meije peneka. Esi lupu kena esi ono tiae ete Yesuse, Amu Makerike rebe Eni dosa sae mo kai rebe AbitikeNi kena Maka Hlamate.

Yohanese 3:34

Le Yesuse Iluake bei Tuhane Alla hoko Ilepa loko Tuhane Alla Eni lepataru le Tuhane Alla Eni Rore kbasaeNi.

Ibrani 2:11

Yesuse Iono ite tamatare iteki dosa sae moneka. Hoko Ile maka ono dosa sae moneka kai iteki Amate esa. Bei mere hoko Yesuse Ibeteke be kwaliNisi kai betaIsi kena itere, Iasomie mo.

Yohanese 10:17

AmaKu Ioki Au le Au riluke nanakwalaKue kena mata leke namake Au kwana suike.

Maka Ulakaru 4:26

Kamala mei nusa meije esi akneka kena esi lisa, kai tamata elaka esi lupuke lomai kena esi ono tiae ete Tuhane, Ile rebe Alla IulakeNi kena Iono hlamate ete tamatare.’

Ibrani 2:9

Po ite selu pusue meru kena Yesuse Eni hidupe, Alla Iono Impe lebu toto bei malekate, mere takwali kuate mo, leke Alla Eni lale misete eono Imata ete pusue tamata. Meije ite selu Alla Iono Irue kena otoi rebe esi kbasare ela titinai kai rebe holmatele, le Isupu susate eti Imata peneka. Kai Alla Ioki ite, hoko Yesuse Imata leke Iono Maka Hlamate ete pusue tamata.