1 Petruse 3:10 - Janji beluke

¹⁰ kai Alla Eni lepata rebe lekire ebeteke be: “Tamata rebe isuka eni hidupe mise, suke iraka biruije mimise, ilepa neune yake pise nloene yake.

1 Petruse 3:10 Referans Kwoze

Yakobuse 1:26

Sire pine iaseluke be iono lulu eni agamare titinai, po iraka eni lepate mo hoko ilemake ruai kai iaseluke mere esi guna sasaisa mo.

1 Petruse 2:22

Saka Alla Eni lepate rebe lekire beteke be: “Iono dosa kwale mo kai sae ilene Ilemake kwale mo.”

1 Petruse 2:1

Imi lene saisa rebe Alla Ionoe ete imire peneka hoko imi ono neune yake, lemake yanoma, ono lelemake yake, lale tiake tamata makete yake kai lepa tiae loko tamata makete yake.

Tatike pine Uonore 14:5

Esi lemake mo kai esi ono sala sasaisa moneka.

Yohanese 1:47

Eleki Pelipuse ibeteke lokoi be, “Mai ite keu leke ale ruamu seluI.” Kena Yesuse Iselu Natanela iluake lokoI, Yesuse Ibeteke be, “Selu, Natanela meije tamata Israele titinai, tamata maka lemake mo.”

Yohanese 12:25

Sakesa kai imi tamata mei nusa meije neka. Sire pine inoake batuke loko eni hidupe mei nusa meije yo isuka mata le Au mo, hoko namake eni hidupe mere sirikele. Po sire pine inoake batuke loko eni hidupe mei nusa meije mo, hoko namake Irue kai Alla eti pela.

Matiuse 19:17

Po Yesuse Itneu suikeni be, “Le mula pine atneu Au loko saisa rebe misete? Misete batuke esa, mere Alla ruaI. Sepo asuka rue kai Alla eti pela hoko ono lulu Eni pletaru.”

Markuse 8:35

Le sepo imi suka lulu Au mo leke mata yake, hoko imi rue kai Alla eti pela mo. Po sepo imi suka kena mata le imi lulu Au kai lepae Sou Misete bei Alla ete tamata maketa, imi rue kai Alla eti pela.