1 Korintuse 13:6 - Janji beluke

⁶ Tamata rebe ioki tamata makete isusae tamata esi ono neune.

1 Korintuse 13:6 Referans Kwoze

Roma 12:9

Oki lomai kena lale misete. Maka noake tiare kai atate tiare hlekele kai ono loko rebe misete.

2 Yohanese 1:4

Lalekue ndina titinai le au rekwa ina amu kwetelaru leini, esi ono lulu hnaune nkenale rebe Alla Amate Iahnau itere.

Roma 1:32

Esi rekwa be lulu Alla Eni hukume sire rebe iono tiae, isupu hukumane matale. Masike ele mere po esi ono neune rame. Kai batuke ele mere mo po esi suka kena tamata makete esi ono neune ele mere lekwe.

2 Tesalonika 2:12

Leke pusue tamata rebe hlaleke loko sou tinaije mo po suka ono neune, Alla Ihukumesi.

Pilipi 3:18

Suke imi lulu ami le sie bokala me esi atate mise mo, le hnauna kena Yesuse Kristuse Eni matale kena ai tutine le iteki dosaru esi suka lene mo. Mere au beteke ete imi rame neka, kai meije au beteke suikele au rani.

Pilipi 1:18

Po mula mo! Laleku ndina le masike kena cara saisa neka; kena lale misete pise lale tiae, po mahabe mere lepae Kristuse ete tamata makete neka. Kai lalekue ere ndina rame.

Pilipi 1:4

Kai pela au kotie loko Alla le imi pusumi au kotie kena lale ndinate.

Lukase 22:5

Hoko lalesi ndina titinai kai esi lepa lupu kena riluke kepene ete Yudase.

Matiuse 18:13

Au beteke ete mi be, sepo isupu domba inai rebe sirikele mere hoko laleije ndina titinai le domba inai mere lesi bei laleije ndina le domba inai butu sikwa lesini sikwa rebe sirike more.