Matiyu 6:9 - Alla la Kitabu Seniman

⁹ «Ai ka kan ka Alla tara ɲa mɛn ma, wo le ɲin di. An Fa mɛn ye sankolo rɔ, i tɔɔ sɛniman ye bonya ka.

Matiyu 6:9 Referans Kwoze

Kalatikailu 4:6

Ɔɔn, ikomin ai ye Alla denilu ri, a ka a Dencɛ Nii nana an ma. Nii Sɛniman wo ye a kɛla, an ye Alla kilila ko: «an Baba, an Fa!»

Matiyu 7:11

Nba, ni aile, adamadenilu mɛn ka juu, ai kusan fen ɲuma dila ai denilu ma, wo gbɛnin de an Fa Alla mɛn ye sankolo rɔ ye fen ɲumailu dila a tarabailu ma!

Matiyu 26:29

N di a fɔ ai yɛ ko n tɛna rɛsɛnji minna butun fewu, fɔɔ n ni ai wa a kura min n Fa la mansaya rɔ lon mɛn na.»

Matiyu 23:9

Ai kana a fɔ mɔɔ si ma duukolo kan yan ko n fa, baa Fa kelen de ye ai la, ni a ye Alla ri, mɛn ye sankolo rɔ.

Matiyu 5:16

Fɔɔ ai la yelen ye bɔ ten mɔɔilu ɲana, sa ii ri ai la koɲuma kɛnɛniilu yen ka ai Fa gbiliya, ai Fa mɛn ye sankolo rɔ.

Luka 15:18

A ka a fɔ ko: ‹Nba, n di n wuli ka wa n fa wara. N wa se ye, n di a fɔ a yɛ ko: «N fa, n da julumun sɔrɔn Alla la, ka hakɛ sɔrɔn i fanan na.

Piyɛri Fɔlɔ 1:17

Baa ai ye ai Fa Alla matarala, mɛn ye mɔɔilu bɛɛ kɛwaliilu makitila ɲa kelen ma, ai ye to ikomin londanilu dunuɲa ɲin dɔ, ka kolo Alla ma.

Luka 15:21

A den ka a fɔ a yɛ ko: ‹N fa, n da julumun sɔrɔn Alla la, ka hakɛ sɔrɔn ile fanan na. I kana n jate i den di butun. Wo ka bon nde ma.›

Luka 2:14

«Gbiliya ye kɛ Alla yɛ mɛn ye sankolo rɔ. Jususuma ye kɛ mɔɔilu yɛ duukolo kan, mɔɔ mɛnilu duman a yɛ kɔnin.»

Matiyu 6:14

«Ni ai ka ai hakɛtabailu makoto, ai Fa mɛn ye sankolo rɔ, wo fanan di ai makoto.

Matiyu 6:6

Kɔni i wa kɛ Alla tarala, i ye don i la bon na ka da tuun i jɛrɛ ma. I ye i Fa Alla tara ye, baa a ye yɔrɔ doonni wo rɔ. Mɛn ye kɛla dokon dɔ, i Fa Alla ye wo yenna, ka i barayi.

Matiyu 5:48

Ai ye kɛ mɔɔ dafaninilu ri ikomin ai sankolo rɔ Fa dafanin ɲa mɛn ma.»

Kalatikailu 1:1

Sɛbɛ ɲin farani nde Pɔli le la, nde mɛn ye talibidenba ri. Mɔɔilu ma n suwandi baara wo kanma. Mɔɔ si ma n kelaya. Ɛɛn, n kɛra talibidenba le ri ka fara Isa Ɲenematɔmɔnin de la, a ni an Fa Alla mɛn ka a lawuli ka a bɔ saya rɔ.

Yuhana 20:17

Isa ka a jabi: «I kana ifasa n na, baa n ma yɛlɛ fɔlɔ n Fa ma. Kɔni wa i fɔ n badenmailu yɛ ko: ‹N watɔ n Fa ma, a ni ai Fa fanan ma, n na Alla ma, a ni ai fanan na Alla ma.›»

Matiyu 26:42

Isa bɔra ii fɛ a siɲa filana rɔ ka wa Alla matara ikɔ tuun. A ka a fɔ ko: «N Fa, ni a ti se bɛnna i ye nii ɲakankata minninfen ɲin mataa n na ko fɔɔ a ye n sɔrɔn, wo rɔ i sawo ye kɛ.»

Matiyu 10:29

Ai ye kɔnɔ mɛsɛn fila mayirala wodi gbanan mɛsɛn kelen na, ko di? Kɔni hali kɔnɔ wo kelen tɛ be duu ma ni ai Fa Alla ma sɔn a ma.