Matiyu 21:10 - Alla la Kitabu Seniman

¹⁰ Isa donda Jerusalɛmu tuma mɛn na, so bɛɛ lamaara. Mɔɔilu bɛɛ ka a fɔ ko: «Ee, yon de ɲin di ten?»

Matiyu 21:10 Referans Kwoze

Kewalilu 9:5

Sawuli ka ɲininkali kɛ ko: «Maari, i ye yon de ri?» A ka Sawuli jabi: «Nde le Isa ri, i ye mɛn tɔrɔla kojuuya.

Luka 9:9

Herodi ka a fɔ ko: «N ka mɔɔ lɔ Yaya kun tɛɛla a la. A ye di wo rɔ? N ye kibaro mɛn sɔrɔnna ɲin, wo tii ye yon de ri wa?» Wo rɔ, a lɔɔ tɛrɛ ye Herodi la ka a ɲa la Isa kan.

Luka 7:49

Mɛnilu siini tɛrɛ ye, woilu ka a fɔ ii jɛrɛ kɔndɔ ko: «Ɛɛ! Yon ye ɲin di, mɛn di mɔɔ makoto a la kojuu la?»

Luka 5:21

Sariya karanmɔɔilu ni Farisi mɛnilu tɛrɛ ye ye, woilu ka imiri ko: «Yon de ɲin di mɛn ye Alla tanama kuma fɔla ten? Yon di se mɔɔ makotola a julumunna ten, fo Alla kelen pe?»

Ruti 1:19

Ii mɔɔ fila ka sila mira ka wa se Bɛtilɛhɛmu. Ii seni ye, ka so bɛɛ lamaa. So musoilu ka i ɲɔɔn maɲininka ko: «Nahomi le ye ri wa?»

Yuhana 2:18

Nba, Yahudiyailu la ɲɛmɔɔilu ka Isa maɲininka ko: «I ra ko mɛnilu kɛ ɲin, i ri tɔɔmasere kabannakoma su ɲuman kɛ ka a yiraka an na ko ɲin kɛ saratii ye i bolo?»

Luka 20:2

Ii ka Isa maɲininka ko: «I ye baara mɛn kɛla ɲin, yon ka i lɔ wo la? I ye yon na se kɔrɔ?»

Matiyu 2:3

Kuma wo fɔra mansa Herodi yɛ tuma mɛn na, a kɔndafilira, a ni Jerusalɛmukailu bɛɛ.

Matiyu 21:9

Mɔɔ mɛnilu tɛrɛ ye Isa ɲɛfɛ, a ni mɛnilu tɛrɛ ye a kɔfɛ, woilu tɛrɛ ye ii kan ba labɔla ko: «Tandoli ye kɛ mansa Dawuda dencɛ yɛ! Mɛn ye nala Maari tɔɔ rɔ ten, Alla ra ɲumaya kɛ wo yɛ. Tandoli ye kɛ sankolo rɔ!»

Matiyu 21:11

Jama ka ii jabi: «Nabi Isa le ɲin, mɛn ye bɔla Nasarɛti, Kalile mara rɔ.»