Luka 3:11 - Alla la Kitabu Seniman

¹¹ Yaya ka ii jabi: «Duruki kɔrɔbila fila ye mɛn bolo, wo ye fɛriyatɔ sɔ duruki kelen na. Dɔɔnin fen tii, wo fanan ye mɔɔ sɔ wo ɲa ma.»

Luka 3:11 Referans Kwoze

Yuhana Fɔlɔ 3:17

A ye di? Ni fentii ka a yen ko a badenma ɲenematɔmɔnin dɛsɛni don? Ni a ka a ban hinala a badenma ɲenematɔmɔnin wo la, a ri se a fɔla ko Alla la kaninteya ye a fari rɔ wa?

Luka 18:22

Isa ka wo mɛn waati mɛn na, a ka a fɔ cɛɛ yɛ ko: «I ra dɛsɛ ko kelen na butun. I ye wa i bolofen bɛɛ san ka wo wodi di fantanilu ma, sa nanfulu bɛrɛ bɛrɛ ri kɛ i bolo harijeene rɔ. Wo wa ban, i yɛ na bila n kɔ.»

Yuhana Fɔlɔ 4:20

Ni mɔɔ mɛn ka a fɔ ko a ye Alla kaninna, ka a tɛrɛn a badenma ɲenematɔmɔnin gboman a yɛ, wo tii ye wuyafɔla le ri, baa a ɲa ye a badenma ɲenematɔmɔnin mɛn na, ni a tɛ wo kaninna, a ti se Alla kaninna, a ɲa tɛ wo mɛn na.

Yakuba 1:27

Ka faratanniilu ni cɛsamusoilu dɛmɛn ii la tɔrɔya waati, a ni ka an jɛrɛ mabɔ dunuɲa ko nɔɔilu bɛɛ la, wo ye Alla la dina sɛniman ba le ri an Fa Alla ɲakɔrɔ.

Luka 11:41

Ai ye ai kɔndɔ rɔ di fantanilu ma, wo wa kɛ bɛɛ ri sɛninya.

Matiyu 25:40

Mansa ri ii jabi: ‹N di tuɲa fɔ ai yɛ: ni ai ka koɲuma kɛ n badenma do yɛ mɛn dɔɔman ii bɛɛ tɛma, ai ka wo kɛ n jɛrɛ le yɛ.›

Kewalilu 10:31

A ka a fɔ ko: ‹Kɔrinɛli, i ra Alla matara mɛn kɛ, Alla ra wo mɛn. I ra bolokolonilu sɔ, a ma ɲina woilu kɔ.

Kewalilu 10:4

Kɔrinɛli ka a ɲa lɔ a la silan dɔ. A ka a fɔ ko: «Faama, nfen de ɲin?» Mɛlɛka ka a jabi: «I la Alla tarailu ni i la bolokolonilu sɔ ko ra diya Alla yɛ. Alla ra a hankili to i rɔ.

Kewalilu 10:2

Kɔrinɛli ni a la denbaya bɛɛ sɛɛbɛ donni tɛrɛ ye Alla batola. Ii silanni Alla ɲɛ. A tɛrɛ ye fantanilu sɔla kosɛbɛ, ka Alla matara tuma bɛɛ.

Yuhana 13:29

Ikomin Judasi mɛn tɛrɛ ye wodi lamarala, doilu la miriya ko Isa nɔ a lawala sali dɔɔnninfen san diya le, wala ka wa fen doilu datala misikinanilu la.

Luka 19:8

Sace ka i lɔ Maari ɲana ka a fɔ a yɛ ko: «Maari, bi n di n na nanfulu tala ka fan kelen di bolokolonilu ma. Ka la wo kan, ni a ka a tɛrɛn n da mɔɔ do bolofen mira tɔɲɔli bolo ma, n di a ɲɔɔn naanin lasɛ wo ma.»

Efɛsikailu 4:28

Ni mɛn dorinnin suɲali kɛla, a ye a to. A ye baara bɛrɛ do kɛ a jɛrɛ bolo la, kosa a ye fen sɔrɔn ka a di mɔɔ ma mɛn mako ye a la.

Yakuba 2:14

Nba, n badenmailu, ni mɔɔ do ko lemɛniya ye a bolo, ka a tɛrɛn a tɛ kɛwaliɲumailu kɛla, a ye di wo rɔ? A tii ri se kisila wa?