Luka 20:6 - Alla la Kitabu Seniman

⁶ Ni an ka jabili kɛ ko: ‹Mɔɔ ka Yaya lɔ,› mɔɔ bɛɛ ri wuli ka an bon kaba la, baa ii bɛɛ ka a fɔ ko nabi do le tɛrɛ Yaya ri.»

Luka 20:6 Referans Kwoze

Matiyu 21:26

Kɔni an kana a fɔ ko: ‹Mɔɔilu le ka Yaya lɔ de!› An silanni ii mɔnɛ la, baa jama bɛɛ ye Yaya jatela nabi le ri.»

Matiyu 11:9

Ai wara nfen dagbɛ diya? Ii ma wa nabi do ragbɛ wa? N di a fɔ ai yɛ ko nabi le tɛrɛ. Kɔni ale ka bon nabi ri paaɔn!

Kewalilu 5:26

Wo rɔ, Allabatobonba kandaninnailu kuntii ka a la mɔɔilu ta ka wa talibidenbailu kɔ. Ii nara ii ri. Kɔni wo ma kɛ fanka la, ka a masɔrɔn kuntii wo ni a la mɔɔilu silanda ko jama kana wuli ii kanma ka ii mabon kaba la.

Yuhana 10:41

Mɔɔ siyaman ba tɛrɛ ye nala a ma, ka kuma damira ko: «Yaya ma ko makabani si kɛ, kɔni a ka foyi fɔ cɛɛ ɲin na ko rɔ, tuɲa le.»

Luka 1:76

«N den, mɔɔilu ri i kili ko: ‹Alla Kɔrɔtaninba la nabi.› Ka a masɔrɔn i ri wa Maari ɲɛ, ka a la sila rabɛn a yɛ.

Matiyu 26:5

Kɔni ii ka a fɔ ko: «an kana a mira sali waati la. Ko ni wo tɛ, mɔɔilu ri wuli ka murunti.»

Matiyu 21:46

Ii ka a ɲa ɲinin ka Isa mira. Kɔni ii silanda jama yɛ, baa mɔɔilu tɛrɛ ye Isa jatela nabi ri.

Matiyu 14:5

Herodi tun ye a fɛ ka Yaya faa, kɔni a silanni tɛrɛ jama yɛ, baa jama tɛrɛ ye Yaya jatela nabi le ri.

Luka 7:30

Kɔni Farisilu ni sariya karanmɔɔilu ka i ban Alla sawo rɔ. Ii ma sɔn Yaya ye ii sunna ji rɔ.»

Luka 20:5

Ii wara i ɲɔɔn ye ka wo jabili ɲinin. Ii ka a fɔ ko: «Ni an ka a jabi: ‹Alla ka Yaya lɔ wo la›, a ri a fɔ ko: ‹nfenna ai ma la Yaya la wo rɔ?›

Luka 20:7

Wo rɔ, ii nara Isa jabi: «An ma Yaya kelayaba lɔn.»