Luka 2:4 - Alla la Kitabu Seniman

⁴ Wo rɔ, Yusufu bɔra Nasarɛti, mɛn ye Kalile mara rɔ, ka wa Jude mara rɔ. A wara Bɛtilɛhɛmu, Mansa Dawuda la so kɔnin, ka a masɔrɔn ale ye Mansa Dawuda bɔnsɔn de ri.

Luka 2:4 Referans Kwoze

Yuhana 7:42

Nba, a sɛbɛni Kitabu Sɛniman kɔndɔ ko: Mɔɔ Ɲenematɔmɔnin di bɔ Mansa Dawuda la denbaya le rɔ. Mɔɔ Ɲenematɔmɔnin di bɔ Bɛtilɛhɛmu, Mansa Dawuda la so kɔndɔ.»

Luka 4:16

Isa wara se Nasarɛti, a makɔlɔra yɔrɔ mɛn dɔ. Ɲɔɲɔ lon seni, a wara salibon na, ikomin a darini a kɛla ɲa mɛn ma. A se mɛn kɛni karan diya ye, a wulira ka i lɔ kitabu karan kanma.

Matiyu 2:23

A wara a sii Nasarɛti so kɔndɔ. Wo kɛni sa Alla la kuma ri kanbali, a ka mɛn don a la nabiilu da rɔ ko mɔɔilu ri a fɔ Isa ma ko Nasarɛtika.

Ruti 4:17

A siiɲɔɔ musoilu ka a fɔ ko: «Nahomi ra dencɛ sɔrɔn.» Ii ka den tɔɔ la ko Obedi. Obedi le kɛra Jɛsɛ fa ri. Jɛsɛ wo le ka Dawuda sɔrɔn.

Ruti 4:11

Wo rɔ, mɔɔbakɔrɔilu ni mɔɔ tɔ mɛnilu bɛɛ tɛrɛ ye so donda la ye, woilu ka a fɔ ko: «An ye wo sereilu le ri! Allabatala ye ɲumaya kɛ muso wo yɛ, mɛn dontɔ i wara! A ye a kɛ ikomin Rasɛli ni Leya, Yakuba la muso fila mɛnilu ka an benbailu sɔrɔn. Allabatala ye i sabati Efirata la bonkɔndɔla kɔndɔ, ka i tɔɔ bɔ Bɛtilɛhɛmu, Alla ma wo kɛra.

Ruti 2:4

A ma mɛn bakɛ, Bɔwasi nara ka bɔ Bɛtilɛhɛmu. A ka baaradenilu fo ko: «Allabatala ye to ai fɛ!» Baaradenilu ka a lamira ko: «Allabatala ye ɲumaya kɛ i yɛ!»

Yuhana 1:46

Natanayɛli ka a fɔ Filipe yɛ ko: «Nasarɛti ri se fen do labɔla mɛn ka ɲi?» Filipe ka a jabi: «Na, i ri a yen.»

Ruti 1:19

Ii mɔɔ fila ka sila mira ka wa se Bɛtilɛhɛmu. Ii seni ye, ka so bɛɛ lamaa. So musoilu ka i ɲɔɔn maɲininka ko: «Nahomi le ye ri wa?»

A Damira 48:7

N bɔra Padani Aramu rɔ ka n kɔsɛ n fa wara tuma mɛn na, Rasɛli sara ka n niilafin kojuuya. A sara sila la Kanaan jamana rɔ, ka a tɛrɛn an tun da sudunya Efirata so la. N ka a su don Efirata sila la ye.» Efirata mɛn tɔɔ bi ko Bɛtilɛhɛmu.

A Damira 35:19

Nba, Rasɛli sara. Ii ka a su don Efirata sila da la. Efirata wo tɔɔ le bi ko Bɛtilɛhɛmu.

Matiyu 1:20

Ka Yusufu to a mirila wo ma, Maari la mɛlɛka ka a jɛrɛ yiraka a la sibo rɔ, ka a fɔ a yɛ ko: «Yusufu, Dawuda bɔnsɔn, i kana silan Mariyamu furu ko yɛ, baa Nii Sɛniman de ka a kɛ a ra kɔnɔ ta.

Luka 2:3

Ka bɛn tɔɔ sɛbɛ ko ma, mɔɔ bɛɛ wara a fa so kɔndɔ.

Luka 2:5

Mariyamu wara a kɔfɛ, mɛn mamirani a bolo la. Ii fila wara ii tɔɔ sɛbɛli diya Bɛtilɛhɛmu. Wo tuma, Mariyamu kɔnɔma le tɛrɛ.