Kewalilu 8:12 - Alla la Kitabu Seniman

¹² Kɔni Filipe ka kibaro ɲuma lase ii ma, mɛn ye Alla la Mansaya ko ni Isa Ɲenematɔmɔnin tɔɔ la ko rɔ. Ii lara a la kuma la tuma mɛn na, ii sunda ji rɔ, cɛɛ ni musoilu.

Kewalilu 8:12 Referans Kwoze

Kewalilu 2:38

Piyɛri ka ii jabi: «Ai bɛɛ ye tubi ka na Alla ma ka sun ji rɔ Isa Ɲenematɔmɔnin tɔɔ rɔ, wo rɔ, ai la kojuu ri makoto. Wo wa kɛ, Alla ri a la Nii Sɛniman di ai ma.

Kewalilu 1:3

A la tɔrɔya kɔrɔ, a bɔra ii ɲakɔrɔ gbɛ rɔ ka ko siyaman kɛ tele binaani kɔrɔ. A ka a yiraka ii la ɲa siyaman ma ko a kɛndɛ le. Wo tuma, a tɛrɛ ye Alla la Mansaya ko fɔla ii yɛ.

Matiyu 28:19

Wo le rɔ, ai ye wa mɔɔilu kɛ n na karandenilu ri siyailu bɛɛ tɛma. Ai ye ii sun ji rɔ Fa Alla tɔɔ ni Dencɛ tɔɔ ni Nii Sɛniman tɔɔ rɔ.

Piyɛri Fɔlɔ 3:21

Wo ji kɛni sun ji rɔ misali le ri ai tubi kanma mɛn ye ai fanan nakisila sisen. A kɛni tɛ faribanku nɔɔni bɔ fen di, kɔni dakan ta Alla yɛ kɔnɔgbɛya rɔ. Wo sun ji rɔ le ai lakisila sisen Isa Ɲenematɔmɔnin nawuli fɛ mɛn bɔra saya rɔ,

Kewalilu 2:41

Mɛnilu sɔnda a la kuma ma, woilu sunda ji rɔ. Mɔɔ waa sawa ɲɔɔn lara lemɛniya jamailu kan wo lon.

Kalatikailu 3:28

Wo le kosɔn, faranfaasi tɛ Yahudiyailu ni siya gbɛrɛilu tɛma butun, wala jɔnilu ni hɔrɔnilu tɛma, wala cɛɛ ni muso tɛma. Baa ai bɛɛ ka kan Isa Ɲenematɔmɔnin ma.

Kewalilu 28:31

A tun ye Alla la Mansaya ko lasela ii ma jusulatɛɛ rɔ, ka ii karan ka Maari Isa Ɲenematɔmɔnin la koilu yiraka ii la. Mɔɔ si ma a bali fanan.

Kewalilu 20:25

«Nba, n da n taamataama ai bɛɛ tɛma ka Alla la Mansaya ko lase. Kɔni n ka a lɔn sisen ko ai ɲa tɛ la n kan butun.

Kewalilu 20:21

N da a fɔ Yahudiyailu ni siya gbɛrɛ tɔilu yɛ ka a magbɛlɛya ko ii ye kojuu kɛ boloka ka na Alla ma, ka lemɛniya an na Maari Isa ma.

Kewalilu 18:8

Salibon wo kuntii Kiripusi ni a la denbayailu bɛɛ lara Maari la. Korɛntika mɛnilu ka Pɔli la kuma mɛn, woilu siyaman fanan lara Isa la ka sun ji rɔ.

Kewalilu 11:20

Kɔni cɛɛ doilu borini wara Antiyɔki. Siperekailu ni Sirɛnikailu le woilu ri. Ii sera Antiyɔki tuma mɛn na, ii ka Maari Isa la kibaro ɲuma lase Kirɛkikailu fanan ma.

Kewalilu 5:14

Mɔɔ siyaman lemɛniyara Maari ma ka don dɛkuru wo rɔ, cɛɛ ni musoilu.

Luka 9:60

Isa ka a fɔ a yɛ ko: «Mɛnilu faani, mɛnilu ma ɲenema bɛrɛ lɔn, i ye a to woilu yɛ ii ɲɔɔn su don. Ile kɔni ye wa Alla la Mansaya ko lase mɔɔilu ma.»

Luka 9:2

A ka ii kelaya ko ii ye wa Alla la Mansaya ko lase mɔɔilu ma, ka jankarɔtoilu fanan lakɛndɛya.

Kewalilu 8:4

Nba, mɛnilu jɛnsɛnda ka bɔ Jerusalɛmu, woilu sera yɔrɔ yɔrɔ rɔ, ii ka kibaro ɲuma lase ye mɔɔilu ma.

Kewalilu 19:5

Ii ka wo mɛn ka sun ji rɔ Maari Isa tɔɔ rɔ.