Kewalilu 3:14 - Alla la Kitabu Seniman

¹⁴ Isa tɛrɛ Mɔɔ sɛniman ni mɔɔ telenni de ri. Kɔni ai ka ai ban a rɔ. Ai ka Pilate madiya ko a ye mɔɔ gbɛrɛ bila ai yɛ, mɛn tɛrɛ ye mɔɔfaala ri.

Kewalilu 3:14 Referans Kwoze

Kewalilu 7:52

Ai benbailu ka nabiilu bɛɛ tɔrɔ. Nabiɲuma mɛnilu ka Alla la Mɔɔ Suwandini la ko fɔ ii yɛ, ii ka woilu faa. Sisen ai ra Mɔɔ Telenni wo janfa ka a faa.

Piyɛri Fɔlɔ 3:18

Baa Ɲenematɔmɔnin faara le an julumunilu la ko rɔ siɲa kelen haan habadan, ale mɔɔ telennin telenbaliilu yɛ, kosa a ye na ai ri Alla ma. Mɔɔilu ra a faa ten faribanku rɔ, kɔni Alla ka a lakɛndɛya, Nii Sɛniman na baraka le rɔ.

Kewalilu 4:27

«Nba tuɲa le wo ri fewu, mansa Herodi ni Ponse Pilate ka ii ladɛn so kɔndɔ yan, a ni siya tɔilu, a ni Isirayɛlikailu. Ii ka ii ladɛn ka wuli i la baaraden sɛniman Isa kanma, i ka mɛn suwandi.

Yakuba 5:6

Ai ra kiti labe mɔɔ telenni kan ka a faa, mɛn tɛ ai sɔsɔli.

Kewalilu 22:14

A ka a fɔ ko: ‹An benbailu Maari Alla ra i ɲenematɔmɔn, sa i ri a sawo lɔn, ka a la Mɔɔ Telenni yen, ka a la kuma mɛn ka bɔ a jɛrɛ da rɔ.

Yuhana Fɔlɔ 2:1

N den mɛsɛnilu, n ye ko ɲinilu sɛbɛla ka a di ai ma, sa ai kana kojuu kɛ. Kɔni ni do ka kojuu kɛ, lalilila ye an bolo an Fa dafɛ mɛn di an na sɔlɔnali kɛ: wo ye Isa Ɲenematɔmɔnin de ri, mɛn telenni.

Kewalilu 2:27

Baa, i ti sɔn n nii ye to saya dibi rɔ. I ti sɔn i la Mɔɔ sɛniman su ye mɛn kaburu rɔ ka toli.

Luka 23:25

Ii tun da kasoden mɛn na ko fɔ, mɛn tun ka mɔɔilu lamurunti ka mɔɔ faa, Pilate ka wo bila, kɔni a ka Isa to ii sawo rɔ.

Luka 1:35

Mɛlɛka ka a jabi: «Alla la Nii Sɛniman di jii i ma. Alla Kɔrɔtaninba sebaya ri birin i kun na. Wo bolo ma, i ye dencɛ mɛn sɔrɔnna a ye den sɛniman de ri, a ri kili ko Alla Dencɛ.

Matiyu 27:20

Kɔni sarakalasela kuntiilu ni mɔɔbakɔrɔilu ka jama kɔndasu ko ii ye Pilate madiya ko a ye Barabasi bila ka Isa faa.

Yuhana 16:10

Ii filini telenbaya ko rɔ, ka a masɔrɔn n watɔ n Fa ma, a ni ai ti n yenna butun.

Yuhana 18:40

Ii ka a jabi mankan ba rɔ ko: «Ale tɛ, Barabasi bila!» Awa Barabasi tɛrɛ ye mɔɔ murantiini le ri.

Kewalilu 5:28

«An ma a fɔ ai yɛ ka a magbɛlɛya ko ai kana karan si kɛ wo tɔɔ rɔ butun wa? Kɔni ai ra ai la karan nase Jerusalɛmukailu bɛɛ ma! Ai ye a fɛ ka a fɔ le ko andeilu le ka Isa faa.»

Kewalilu 13:28

Ii ma kojuu si tɛrɛn a rɔ, mɛn di kɛ a faa kun di. Kɔni ii ka Pilate madiya ko a ye a faa.