Kewalilu 24:5 - Alla la Kitabu Seniman

⁵ Nba, an da a yen ko cɛɛ ɲin ye mɔɔ tɔrɔla le ri. A ye mankan nawulila Yahudiyailu tɛma dunuɲa fan bɛɛ rɔ. Ale le Nasarɛtikailu la dina sila ɲɛmɔɔ ri.

Kewalilu 24:5 Referans Kwoze

Kewalilu 28:22

Kɔni an ye a fɛ ka i jɛrɛ kan namɛn ka i miriya lɔn, baa an ka a lɔn ko i ye sila mɛn kan, mɔɔilu ye sila wo tɔɔ juu fɔla fan bɛɛ.»

Kewalilu 24:14

Nba, n ye n lɔla mɛn na i ɲana, wo le ɲin di. N ye an benbailu Maari Alla batola sila kura kan. Ii ka a fɔ ko sila wo tɛ tuɲa ri. Kɔni mɛnilu sɛbɛni sariya kitabu rɔ, a ni mɛnilu sɛbɛni nabiilu la kitabu rɔ, n lani wo bɛɛ la.

Kewalilu 26:5

Ii ka n lɔn kɛbi waati jan. Ni ii ri sɔn sereya bɔla ka ii lɔla ko n tɛrɛ ye Farisi le ri. Farisi ye dɛkuru gbɛlɛn de ri an na dina rɔ.

Kewalilu 15:5

Kɔni lemɛniya mɔɔ doilu tɛrɛ ye, mɛnilu tɛrɛ ye Farisilu la dɛkuru rɔ. Woilu ka ii lɔ ka a fɔ ko: «Siya gbɛrɛ mɔɔilu mɛnilu lemɛniyani Isa ma, a fɛrɛ tɛ fo woilu ye faaninta kɛ ka jamari ko ii ye Nabi Musa la sariya latelen.»

Kewalilu 21:28

Ii ka ii kan nabɔ ko: «Isirayɛlikailu, ai ye na an dɛmɛn! Cɛɛ mɛn ye mɔɔ bɛɛ karanna fan bɛɛ rɔ ko ii kana an na mɔɔilu ni Nabi Musa la sariya ni an na yɔrɔ ɲin jate, wo le ɲin di. Ka a la wo bɛɛ kan, a ra na Kirɛkilu ri Allabatobonba jɛrɛ kɔndɔ, ka an na yɔrɔ sɛniman ɲin nɔɔ.»

Kewalilu 5:17

Wo tuma, sarakalasela kuntiiba ni a fɛ mɔɔ bɛɛ, Sadusiilu la dɛkuru kɔnin, woilu wulira talibidenbailu kanma ka a masɔrɔn ii la bɛnsɛnkɔlɔntɛya fɛ.

Luka 23:2

Ii se mɛn kɛni Pilate ma, ii ka imakasi Isa kan. Ii ka a fɔ ko: «An da a lakɔrɔsi ka a yen ko cɛɛ ɲin ye an na jamana mɔɔilu lafilila ka ii lamurunti. A ye a fɔla ii yɛ ko ii kana niisankɔ bɔ ka a di Rɔmu mansaba ma. A jɛrɛ ko: ko ale le ye Mɔɔ Ɲenematɔmɔnin di, mɛn kɔrɔ ye ko mansa.»

Piyɛri Fɔlɔ 2:19

Ka a masɔrɔn, wo kɛni koɲuma le ri, ni mɔɔ lemɛniya ra ɲakankatan kɔrɔ Alla lɔn na ko rɔ, ka a sɔrɔn wo ɲakankatan bɛnni tɛ a kɛwaliilu ma.

Kewalilu 22:22

Nba, mɔɔilu tɛrɛ ye ii tolo malɔla Pɔli la haan a ka siya gbɛrɛilu la ko fɔ. A ka wo fɔ tuma mɛn na, ii bɛɛ sɔnkɔra ko: «A ye bɔ yan ka a faa! A ma kan ka balo butun!»

Kewalilu 6:13

Ii nara mɔɔ doilu ri, mɛnilu ka wuya la Etiyɛn na. Ii ka a fɔ ko: «Cɛɛ ɲin ye yɔrɔ sɛniman ɲin nafɛyala tuma bɛɛ, ka Nabi Musa la sariya fanan nafɛya.

Luka 23:25

Ii tun da kasoden mɛn na ko fɔ, mɛn tun ka mɔɔilu lamurunti ka mɔɔ faa, Pilate ka wo bila, kɔni a ka Isa to ii sawo rɔ.

Luka 23:19

Barabasi wo ye mɔɔ muruntini ri. Waati taminni, a tun ka kɛlɛ ba lawuli jama tɛma so kɔndɔ, ka mɔɔ do faa fanan. Wo le kosɔn, a mirara ka bila kaso la.

Luka 23:5

Kɔni ii ka ii sɛɛbɛ don a fɔ a ma ko: «Ale le jama lawuli la ka ii karan ka ii lamurunti Jude mara fan bɛɛ rɔ, a ka a damira Kalile ka na haan yan.»

Matiyu 10:25

Ni karanden kɛra a la karanmɔɔ ɲɔɔn di, a dan de wo ri. Ni jɔn kɛra a jɔntii ɲɔɔn di, a dan de wo ri. A ye di? Ni mɔɔilu ka kuma juu fɔ lutii jɛrɛ ma ko Ibulusa le ye a ri, ii tɛ do fɔ lu kɔndɔ mɔɔilu ma ka tamin wo kan wa?

Matiyu 2:23

A wara a sii Nasarɛti so kɔndɔ. Wo kɛni sa Alla la kuma ri kanbali, a ka mɛn don a la nabiilu da rɔ ko mɔɔilu ri a fɔ Isa ma ko Nasarɛtika.

Kewalilu 24:4

Kɔni an kana i sɛɛ kuma siyaman na. Wo le rɔ, n ye i madiyala ko i ye hina an na ka i tolo malɔ an na dɔɔni.

Kewalilu 25:7

Pɔli nara tuma mɛn na, Yahudiya mɛnilu bɔni Jerusalɛmu, woilu ka ii lɔ a laminin dɔ ka kojuu bailu la a la. Kɔni ii ma se ka wo si yiraka tuɲa la.