Kewalilu 2:23 - Alla la Kitabu Seniman

²³ A donda ai bolo. Alla ka a lɔn ka a la ko latɛɛ. Siya gbɛrɛ mɔɔilu ka ai dɛmɛn ka a gbɔngbɔn jiri kan ka a faa.

Kewalilu 2:23 Referans Kwoze

Luka 22:22

Mɔɔ Dencɛ ri faa ikomin a ra latɛɛ ɲa mɛn. Sika tɛ fewu wo rɔ. Kɔni, gbalo ba a ri la cɛɛ wo kan mɛn ka a don mɔɔ juuilu bolo.»

Kewalilu 4:28

Wo le rɔ, mɛn natɛɛni tɛrɛ i sawo ni i fanka la kɛbi kɔrɔman, ii ka ii ladɛn ka wo bɛɛ kɛ.

Kewalilu 3:18

Kɔni Alla ka a la kuma le dafa wo ɲa ma, a la nabiilu bɛɛ tun ka kuma mɛn fɔ, ko a la Mɔɔ Ɲenematɔmɔnin ri tɔrɔ.

A Damira 50:20

Mɛn kɛra n na, ai ka wo kɛ kojuu kɛ kanma, kɔni Alla ka wo kɛ koɲuma le kɛ kanma, kosa mɔɔ siyaman di kisi n bolola yan bi.

Piyɛri Fɔlɔ 1:20

Alla tɛrɛ ra wo suwandi yani dunuɲa ye dan, ka a labɔ kɛnɛma ai le la ko rɔ waati laban ɲinilu rɔ.

Kewalilu 13:27

Jerusalɛmukailu ni ii la kuntiilu ma Isa na kun lɔn. Ii ma nabiilu la kuma fanan famun. Wo rɔ, ii ka kititɛɛ Isa kan ka nabiilu la kuma wo kanbali, ii ye mɛn karanna Ɲɔɲɔ lon bɛɛ.

Matiyu 26:24

Mɔɔ Dencɛ ri faa ikomin a sɛbɛni a la ko rɔ ɲa mɛn ma. Kɔni mɔɔ mɛn di a don mɔɔ juuilu bolo, gbalo ye wo tii yɛ. Hali ni wo tii sɔrɔnbali tun tora, wo tun ka fisa a ma paaɔn.»

Kewalilu 5:30

An benbailu Maari Alla ka Isa lawuli ka a bɔ saya rɔ, ai ka mɛn gbɔngbɔn jiri kan ka a faa.

Judi 1:4

Ka a masɔrɔn mɔɔ doilu ra don ai tɛma gbundu rɔ mɛnilu jalaki ko tɛrɛ ra sɛbɛ kɛbi a waati jan. Alla lɔnbaliilu le woilu ri, mɛnilu ye Alla la sɔlini kɛla ko haramuninilu kɛ kun di, ka ii ban Isa Ɲenematɔmɔnin na, an tii kelen pe, an Maari.

Piyɛri Fɔlɔ 1:2

Ai suwandini le ikomin An Fa Alla hankili tɛrɛ a ma ɲa mɛn ma. A ra ai lasɛninya a la Nii Sɛniman baraka rɔ kosa ai ye kolo Isa Ɲenematɔmɔnin ma, a jeli ye sadisadi ai ma ai lasɛninya kɔrɔ. Alla ye sɔlini ni jususuma sabati ai rɔ!

Kewalilu 15:18

Maari mɛn ka ko woilu yiraka kɛbi waati jan, wo kan ten.»

Luka 24:20

Sarakalasela kuntiilu ni an na jamana ɲɛmɔɔilu ka a mira. Ii wara a ri Rɔmu faama cɛɛ ma ko a ye a faa. Wo rɔ, ii ka a gbɔngbɔn jiri kan ka a faa.

Luka 22:37

ka a masɔrɔn n di a fɔ ai yɛ ko: mɛn sɛbɛni n na ko rɔ, a fɛrɛ tɛ fo wo bɛɛ ye dafa. A sɛbɛni n na ko rɔ ko: ‹A jatera kojuu kɛla le ri.› Wo dafa waati ra sudunya sisen.»

Kewalilu 7:52

Ai benbailu ka nabiilu bɛɛ tɔrɔ. Nabiɲuma mɛnilu ka Alla la Mɔɔ Suwandini la ko fɔ ii yɛ, ii ka woilu faa. Sisen ai ra Mɔɔ Telenni wo janfa ka a faa.

Yuhana 19:24

Ii ka a fɔ i ɲɔɔn yɛ ko: «An kana a rafara, kɔni an ye kalabe kɛ, kala wa mɛn mira wo ri a sɔrɔn.» Wo rɔ sɛbɛli kuma wo ra dafa: «Ii ra n na faanin ratala i ɲɔɔn na, ii ra kalabe kɛ n na faanin ɲuma la ko rɔ.» Awa kɛlɛdenlu ka wo le kɛ.

Piyɛri Fɔlɔ 2:8

A sɛbɛni Kitabu kɔndɔ fanan ko, «Jama ye ii sennatula kaba mɛn na, ka kɛ ii labe kaba ri.» Ii ri ii sennatu a la ka a masɔrɔn ii ma sɔn kuma mirala, baa wo le tɛrɛ natɛɛni ii ma.

Matiyu 20:19

Ii ri a don siya gbɛrɛ mɔɔilu bolo sa woilu ri a lafɛya, ka a gbasi bonsan la, ka a gbɔngbɔn jiri kan ka a faa. Kɔni tele fila a sawana, a ri wuli.»

Matiyu 27:35

Ii ka Isa gbɔngbɔn jiri kan tuma mɛn na, ii ka matɛɛli kɛ a la faaninilu ratala kanma ii tɛma.

Luka 23:33

Ii wa se dinkira mɛn tɔɔ ko Kunkolo, ii ka Isa gbɔngbɔn jiri kan, a ni kojuu kɛla fila wo. Kojuukɛla kelen gbɔngbɔnda jiri do kan Isa bolokininma, a to kelen gbɔngbɔnda jiri kan a bolomaran ma.

Yuhana 19:18

Ii ye a gbɔngbɔnna jiri kan ye le, a ni mɔɔ fila, do ye a bolokininma do ye a bolomaran ma; Isa ye ii tɛma.

Kewalilu 2:36

«Ai, Isirayɛlika bɛɛ ka kan ka lɔn ka a lala ɲa mɛn ma ko Isa mɛn ii ka gbɔngbɔn jiri kan, Alla ra kɛ Maari ri a ni Mɔɔ Ɲenematɔmɔnin.»

Kewalilu 5:28

«An ma a fɔ ai yɛ ka a magbɛlɛya ko ai kana karan si kɛ wo tɔɔ rɔ butun wa? Kɔni ai ra ai la karan nase Jerusalɛmukailu bɛɛ ma! Ai ye a fɛ ka a fɔ le ko andeilu le ka Isa faa.»